بو حسن و لطافتده یقیندیر بشر اولماز

یا مهدی
.
✍️زبدةالاشعار✍️
.
🆔: @nohe_torki
.
سید عظیم شیروانی
.
بو حسن و لطافتده یقیندیر بشر اولماز
رخسارووا بنزر، فلک اؤزرَه، قمر اولماز
.
ای لعلی شکر، چوخ یئمیشم مصر نباتی
هرگز لب شیرینووه بنزر شکر اولماز
.
قدّیندی سنین سرو خرامان، ذقنین سیب
امّا نه دئییم، سروده هرگز ثمر اولماز
.
گؤیدن یئره سن اَنمیسن، ای آیۀ رحمت!
رخسار لطیفین کیمی گلبرگ تر اولماز
.
مژگان اوخون آتسان اگر، ای قاشی کامانیم
اُول کیمدی کی، بو تیر بلایه سپر اولماز
.
سارادیر آدین، ایکی ساچین عنبر سارا (1)
ساچین کیمی عالمده سنین مشک تر اولماز
.
ساچیندا عیاندیر منه طولانی بلالر
یوز گئجه دئسم درد دلیم، مختصر اولماز
.
سیّد، گئنه اولدون هوس عشق ایله دُرپاش
اشعار لطیفین کیمی دُرّ و گوهر اولماز
ـــــــــ
(1)سارا =ویژه؛ زبده؛ خالص؛ بی غش
کاربرد : زر سارا، عنبر سارا، مشک سارا.
عنبر سارا؛ ترکیب اضافی است نه وصفی و آن ظاهراً نوع خاصی از عنبر است.
.
.
#مهدیه
#بو_حسن_و_لطافتده_یقیندیر_بشر_اولماز
#سید_عظیم_شیروانی
#ترکی
.
✍️ #زبدةالاشعار ✍️
.
🆔: @nohe_torki