« ورود به کربلا »
((زبانحال امام(ع) به علیامخدره(س) ))
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
محمدعلی مصیبی تبریزی
.
.
بو دیار آشنا دارالشفادور زینبیم
توپراقی اقدسدی آدی کربلادور زینبیم
.
.
باخ فراتین بسترینده آب ناب جاریه
نئچه گون سونرا جوشار بوردان شرار ناریه
جدّیم آگاه ایلین یردور بو دشت ماریه
گوزلره وور توپراقیندان توتیادور زینبیم
.
.
تربتیندن یتمیش ایکّی لاله احمر بیتر
قان دولان توپراقلاریندان غنچۀ نوبر بیتر
گوللرین آردینجا بوردا خار و خس مینلر بیتر
هرگوله مین خاربنیانکن روادور زینبیم؟
.
.
سو یولون باغلالا ازبس بوردا اوباش وار باجی
سو یولی باغلانسادا گولزاره گوزیاش وارباجی
ایله بیرگلزاریدور گولدنده چوخ داش وارباجی
صولت اسلامه بو داشلار بقادور زینبیم
.
.
قان توکن لشکر پوزالار عاقبت پرگاریمی
اود وورالار یاندیرالار مسند و درباریمی
ایلیلله پاره پاره رُقعۀ طوماریمی
عزت اسلامه لازم ، ابتلادور زینبیم
.
.
قانیلن سیراب اولارعشق و صفانین مأمنی
قاره یللر سربه سر ویران ائدر بو گلشنی
قان دولان توپراق اولارآخرحسینون مدفنی
چاره سیز درده دوا بو کربلادور زینبیم
.
.
دوغریللر اکبر ناکامیمی دعوا گونی
اصغریم سیراب اولارقانیله عاشورا گونی
سینم اوسته آت چاپاللار اشقیاغوغاگونی
طور سینادن بو سینه منجلادور زینبیم
.
.
بو چولون طوفانی آه و تابیمی الدن آلار
بیرایچیم سواوسته عباسیم باجی قولسوزقالار
کوفیان سرلشگر و سرداریمی آتدان سالار
گوئیا کرب وبلا دشتی منادور زینبیم
.
.
قانه غلطان ایلیللر اوغلومی قارداشیمی
نار ظلمیله توکللر دیده دن قان یاشیمی
حد آخر بیر چوخور یرده کسللر باشیمی
باشیمین آخر یری نوک جدادور زینبیم
.
.
آه اوساعتدن کی باشلار قوم عدوان غارتی
اود ووروب تالان ائدللر خیمه گاه عترتی
ضرب شصتیلن دٶیللر نوگلان عصمتی
عصر غارتده بو چوللرغمفزادور زینبیم
.
.
قانلی بیردریادی بوردا غرق اولارکشتیّ دین
بیر نفر قالماز حسینه ظهر عاشورا مُعین
گسترر ناگه قانادین مقتله روح الامین
جبرئیلینده او گون فعلی بُکادور زینبیم
.
.
من ازلدن پایبندم اقتضای ِ ذوالمنه
عهدیمی سیندیرمارام باش اگمرم اهریمنه
قطعه قطعه ائتسلر یالوارمارام من دشمنه
چونکی سرمشقیم ازلدن مرتضی دور زینبیم
.
.
صبر ائله آلامه ای برج وفانین کوکبی
سن علیّ المرتضانین شیری سن آل مطلبی
گلسه مینلر شمر وخولی سیندیرانماز زینبی
صود وئرن آخر سنه خیرالنّسادور زینبیم
.
.
ای« مصیّب » وئر قسم مولانی جان زینبه
صدق ئوزیله یاز گلوبسن آستان زینبه
بیر عریضه گوزیاشی یوللا نشان زینبه
تا نفس وار سویله عشقیم کربلادور زینبیم
.
.
.
#بو_دیار_آشنا_دارالشفادور_زینبیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید