زبدةالاشعار

بو زندان بلاده آیری دوشمز ابتلا مندن #کاظمیه_تائب_تبریزی

شهادت حضرت موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
بو زندان بلاده آیری دوشمز ابتلا مندن
نه من دویّام بلادن نه دویار درد و بلا مندن
.
آدیم موسی ابن جعفردور مقام غیظده کاظم
شب و روزیمده آیریلماز مناجات و دعامندن
.
اگر چه بی ملاقاتم ولی منلندی اللهیم
کسیلمز بیر دقیقه لطف حیّ ذوالعطا مندن
.
باخوب هر سمته بو زنداندا نور کبریا گوررم
سیلر محنت غبارین دلده نور کبریا مندن
.
فشار و رنجیم آرتدیقجا ثنا آرتار لسانیمده
نه آیریللام ثنادن من – نه حمدیله ثنا مندن
.
منه یکساندی زندانی اولام حقّ اوسته یا آزاد
بلایه چون بلا اوّل آلوب لفظ بلا مندن
.
قضایه راضیم تسلیم تقدیرات جانانم
نه آیریللام قضادن من – نه تقدیر قضامندن
.
منی گر یوخلیان یوخ مهربان پروردگاریم وار
منه بسدور اوزی۔ قوی کسسون الفت ماسوا مندن
.
منی ایلدن وطندن آیری – زندانی ایدوب هارون
که بیگانه دوشم من أقربادن اقربا مندن
.
ولی غفلتده دور واردی یریم هر باصفا دلده
گوتورمز دیدۂ دل واقفم اهل صفا مندن
.
احبّا چوخ تلاش ایلر منیم دیداریمه گلسون
آلا دیداریمیله درد هجرانه دوا مندن
.
ولی بیگانه ال لر باغلیوب یوللاری قویمازلار
گلوب تاپسون تماس اولسون خبردار آشنا مندن
.
آچیلسایول، یول اوسته دسته دسته کاروانیم وار
گلر دیدار ایدر زندان ده اهل وفا مندن
.
سزیلتیم خوش گلورزنجیر اولوب بوینو مدا همنالم
منه همدمدی آیریلماز بو زنجیر جفامندن
.
ایدوبدور حلقۀ زنجیر کینه بوینومی یاره
چخارجانیمده – آیریلماز بوجان فرسا یارا مندن
.
اَریتدی جانیمی هجران غمی زندان هاروندا
وجودیم گیتدی رنگیم سولدى قالدی بیر نَما مندن
.
ندور هجران غمی آلام هجران گورمین بولمز
آلوب غربت ده بوهجران غمی تاب وقوا مندن
.
ایاقدان دوشموشم زندان هاروندا زمینگیرم
کیمیم واردور گلوب ایتسون عیادت ای خدا مندن
.
غریبم من اوزوم غربتده – اوغلوم زادگاهینده
نه حالی اوللام اوندان من، نه اول کان وفا مندن
.
گوزوم یولدا قالوب چوخ ایسترم اوغلوم رضا گلسون
اوزی جویای حال اولسون او هجره مبتلا مندن
.
رضا آدی دلیمده قان اولان گوگلوم اسر تیترر
تاپار تسکین عیادت ایلسه اوغلوم رضا مندن
.
بالام گلسه یوزون گورسم گوزومده حسرتیم قالماز
من آللام فیض دید اوندان – او نازلی مه لقا مندن
.
شکسته خاطرم بیر درد آلان دلداره مشتاقم
اولوربیر گلسون آلسون درد دل اول دلربا مندن
.
اولاق بیرقول بویون باهم اؤپوب گل تک آلوب عطرین
آلام دردین اونون آلسون اودا درد خفا مندن
.
او باخسون چشم رأفتله منه منده اونا گریان
سیلیم گوز یاشینی سیلسون او اشگ پربها مندن
.
حیالی قزلاریم ایمدی منی آغلارسراغ ایلر
گرک ویرسون خبر اطفالیمه باد صبا مندن
.
قزیم معصومه نی چوخ گوگلوم ایستر کاش بیر گلسین
نه دردیم واریتوب آلسون او کانون حیا مندن
.
غلام مو سفیدوز تائبم چوخ چوخ گناهیم وار
شفاعت قیل سنی زهرا آنان، گچسون خدا مندن
.
.
.
.

متن پیشنهادی:  قانه باتیب کوفه ده مسلمون بالالاری #معروف_اهری

#کاظمیه_تائب_تبریزی
#کاظمیه_شهادت
#بو_زندان_بلاده_آیری_دوشمز_ابتلا_مندن
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی