زبدةالاشعار

بو شام ذکرینه هر ذکر ائدن قیام ایلدی #خرابه_شام #واقف_سرابی

خطبه حضرت امام سجاد علیه السلام در مسجد شام
.
✍️ #زبدةالاشعار ✍️
.
?: @nohe_torki
.
مرحوم واقف
.
بو شام ذکرینه هر ذکر ائدن قیام ایلدی
ولایت اهلینه نصف النهاری شام ایلدی
.
حسینه هر نه بلا گلدی اولمیوبدی تمام
گئدوب مصیبتینی شامیده تمام ایلدی
.
جناب سید سجادی مسجده گتوروب
اوزین بو بارده رسوای خاص و عام ایلدی
.
چکیلدی جار گلوب مسجده یزید پلید
توکولدی مسجده شام اهلی ازدحام ایلدی
.
خطیب منبره چیخدی ایدوبدی حمد و ثنا
دالینجا حضرت پیغمبره سلام ایلدی
.
مزخرفات سوزیندن دیوبدی شیخینین
مزخرفاتیله خلقی سماعه رام ایلدی
.
امام سالدی خطیبه نفس، دیلی دوتولوب
او بیحیانی حسین اوغلی شین و لام ایلدی
.
گلوبدی نالیه الله شیرینین شیری
آلیشدی قلبی دوتوب اود قزیشدی زنجیری
.
خطاب ایدوبدی خطیب لعینه ایله حیا
سنون مصاحبیوه بیله ناسزادی روا
.
حیانی ترک ایلدون یوخدی هیچ حیا سنده
بو ناسزالر اولور آل سخره زیبنده
.
یزیده دوندی خطاب ائتدی حضرت سجاد
واریمدی اذن دوروم خطبه ایلیوم انشاد
.
یزید اولمادی امر امام عصره رضا
ائدوبدی واهمه منبرده ایلسون رسوا
.
دوروب مشایخ شام ائتدیلر هامی اصرار
اجازه ویر بونا بیر جواندی ئوزی بیمار
.
یزید غیظیله شام اهلینه قیلوبدی نگاه
وئروبدی سید سجاده اذن خواه نخواه
.
امام عرشۀ منبرده چیخدی دوتدی قرار
نجه که عرشیده احمد اولوب بُراقه سوار
.
آچوبدی حمد خداونده دل لسان الله
پیمبر آدی گلنده چکوبدی دلدن آه
.
هامی مشایخ شام اختیار ائدوبله سکوت
گوروندی عالم لاهوتیده او دم جبروت
.
بویوردی کیم تانور هر کس ایشیدوری سوزیمی
او کیمسه که تانیمولّار نشان ویریم ئوزیمی
.
منی گورنده دیورسوز گلوبدی شامه اسیر
نجه اسیر اولی تأویل آیۀ تطهیر
.
بو ماسوایه بو گون مالک الرِّقابم من
سواد سورۀ حم والکتابم من
.
نه ناسزادی دیورسن او شاهه ای کافر
اونون حسامی ایله پایه لندی بو منبر
.
او ذوالفقاره طرف هر کس ایلینده نگاه
دیردی اشهد ان لا اله الاالله
.
او ذوالفقار خراطیمِ کفردن ووردی(1)
یخوبدی لات و مناتی توکوبدی سیندوردی
.
منیم بابامدی اولوبدور ولیِّ امرِ الله
دئموبدی شرک اولوب ناصراً لِدینِ الله
.
منم او کیمسنون اوغلی چکوب ملائکه صف
گئدنمدی او مقامه عروج ائدوب رفرف
.
منم او کیمسنون اوغلی که اسم اعظمدور
صفا و مروه و کعبه منا و زمزم دور
.
منم او کیمسه نزول ائتدی هل اتی بیزده
اوتانموسوز که یوخوزدور بو گون حیا سیزده
.
منیم او جد کباریم دگول رسول خدا؟
گلوب جلالتینه قاب قوس او ادنی
.
منم او کیمسه نون اوغلی وئروبدی نوحه نجات
تاپار نجات اونا هر کیمسه گوندره صلوات
.
رسول خاطرینه بیر زمان دوتون آرام
خبر وئروم سیزه مطلب ندور مشایخ شام
.
او مصطفی که بُراق استه عرشی سیر ائتدی
یخلدی مسجدی، منزل عیالی دِیر ائتدی
.
او مصطفی قزینین بس دگل قزی زینب
باخاردی حالینه آغلاردی عیسوی مذهب
.
او مصطفی ئوزی مدح ایلمزدی زهرانی؟
بویورمازیدی اونا مَن اذاها آذانی؟
.
حسین دگلدی اونون اوغلی؟ ئوز حضورینده
قویوبلا باشینی مطبخده کول تنورینده
.
حسین سُرور دل حضرت بتول دگل؟
همان بتول مگر بضعۀ رسول دگل؟
.
قسم کلام مجیده بیز اهل قرآنوق
بیزی فرنگی حساب ائتمیون مسلمانوق
.
قاریشدی خلق دوتوب اهل مسجدی غوغا
بلند اولوب گوگه بانگ صدای واویلا
.
او گیر داریده بیر پیرمرد ایاقه دوروب
باخوب امامه اودم شدتیله باشه ووروب
.
دونوب دئدی سیزه شام اهلی ننگ و عار اولسون
پیمبرین نجه قویدوز عیالی خوار اولسون
.
همان جوان دگی سالدوز یهودی کوچه سینه؟
یهودیلر یغوشوب اود توکوب عمامه سینه
.
همان جوان دگی بو ای جماعت بی ننگ؟
گلنده شامه دیردوز گلور اسیر فرنگ
.
یزیدی واهمیه سالدی چوخ بو شور و فغان
دوتوب مؤذّنه یوز حکم ائدوب دیولسون اذان
.
مؤذّن ایلدی الله اکبره اقدام
دیوب کبیر کبیراً امامین اوغلی امام
.
دینده اشهد ان لا اله الا الله
امام کلمۀ لفظ جلاله وئردی گواه
.
گلنده اسم محمد دوروب بویوردی امام
رسول خاطرینه بیر دقیقه دوت آرام
.
خطاب ائدوبدی یزیده نه ناله ساز ائلدون
پیمبرین آدینی زینت نماز ائلدون
.
او احمدی که مؤذّن دیور آدین کیمدور
سنون باباندی منیم یا جهاندا جدیمدور؟
.
دیسن بابامدی منیم راه حقی کج گئدوسن
منیم بابامدی ندن عترتین اسیر ائدوسن
.
یزید اگر اولا حاضر او سید کونین
ندور جواب خبر آلسا نیلمیشدی حسین
.
بو ظلمی هانسی مسلمان ائدوبدی ترسایه
عیالینی نجه سیز یولّادوز کلیسایه
.
توجه ایلگیلن «واقفِ» دل افکاره
ئوزون دخیل سالوبدور امام بیماره
.
(1) خراطیم : بزرگان – مهتران
.
.
#خطبه_سجادیه_در_شام
#خرابه_شام #مجلس_یزید
#سجادیه_خطبه_در_شام
#بو_شام_ذکرینه_هر_ذکر_ائدن_قیام_ایلدی
#ترکی #واقف_سرابی
.
✍️ #زبدةالاشعار ✍️
.
?: @nohe_torki

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...