بو شهیدی که اولوب هدیه ی اسلام گلیب #شهید_محمدحیدری

«قانلی یول»
درباره شهدای عزیز، مخصوصاً شهیدان گمنام
گریز به زبانحال #حضرت_صغری (س)
..
..
..
..
محمدحیدری امندی
..
..
..
..
بو شهیدی که اولوب هدیه ی اسلام گلیب
قهرماندور یدِ یکتادن آلیب جام گلیب
شهرتی دونیا قَدَردی ، ولی گمنام گلیب
مرحبا بیر بئله ایثاره بئله ایمانه
وئریب عزت شهدا قانلاری بو ایرانه
..
..
..
..
دوزدی گمنام دیلر عرشه چیخان باشلاری وار
بیربئله باجیلاری،بیر بئله قارداشلاری وار
تحفه گمنام شهیده گورا،گوز یاشلاری وار
شهدا آدینی ورد ایلیروخ دیللرده
یاحسین سسلروخ عشقیله بومَحفللرده
..
..
..
..
قانلی یولدی شهدانین یولی ایمان یولودی
چکیلیب حقه، وفا اهلینه پیمان یولودی
باشلانیب کرب و بلادن ،بئله سی قان یولودی
هانسی عاشق بو یولی طی ائده معشوقه چاتار
یاپیشار حق اتگیندن نَئیی وار باشدان آتار
..
..
..
..
قانلی یولدی شهدانین یولی عزت یولودی
فخری وار،هر ایکی عالمده سعادت یولودی
بویول عباس گئدن یولدی ،شرافت یولودی
رهروان شرفین دوزدی که چوخ حرمتی وار
ولی قولدان گئچنین، باش وئرنین قیمتی وار
..
..
..
..
قانلی یولدی شهدانین یولی عبرتله دولی
ای جوان همت ائله گوزلَه ایتیرمه بو یولی
شهدا عکسی مزین ائلییب ساغ و صولی
یادواره قورولوب ای شهدا ،مهمانی
گوروسن عطر شهیدان بورویوب هر یانی
..
..
..
..
قانلی یولدی شهدانین یولی بیلسین هامیلار
بولارین سایه سینه بیر بئله امنیت وار
چوخلاری ایندیده آدوز کی گلیر قورخوللار
عجزیله بو سوزه اذعان ائلیور دونیاده
قورخی یوخدی بو ولا لشگرینه هیجاده
..
..
..
..
قانلی یولدی شهدانین یولی ای اهل ولا
ئولکه لرده وریلیبدیر شعب کرب و بلا
نئجه گور لرزه سالیب عالمه نام شهدا
سوسویوب غزه ده خصم آرواد،اوشاق قانلارینا
گلجَک ایران آدی لرزه دوشور جانلارینا
..
..
..
..
قانلی یولدی شهدانین یولی بو یولدا دایان
بیزه خاطر شهدا چولده غریب وئردیله جان
آنالار عکسینه باخجاخ دئدی اوغلوم جان جان
ائله بیر عرصه ده اربابی آدامسیز گوردوم
سنی من قولسوز علمدارینه قربان وئردیم
..
..
..
..
قانلی یولدی شهدانین یولی بیر راه امان
بویانیب قانه بو یولدا نئچه مین پیروجوان
ایندیده چوخ ننه یوللاره باخیر دل نگران
چوخ باجی حسرتیله ایندیده گوز یاشین الر
منتظردور باجسین گورمگه، قارداشی گلر
..
..
..
..
یادیمه سالدی بو سوز حضرت صغری محنین
سد ائلردی قاباغین کرب و بلادن گلنین
سوروشاردیلا ندن گوزلرون آغلاردی سنین
من دییردی گوزی یوللاردا قالان بیر باجیام
قارداشا خاطر ئورک درده سالان بیر باجیام
..
..
..
..
باجینین قارداشی ئولسه یوزی گولمز قارداش
هیچ عالمده ئورک دردینی بیلمز قارداش
گوزلری یول چکر هِی ،بیر کسی گلمز قارداش
یوخی گلمز گوزونه ،ناله ائدر ئوز ئوزونه
یاندیرار عالمی ،گوزیاشی آخاندا یوزونه
..
..
..
..
اوخشویار !ای جانی غربتده چیخان آی قارداش
خانه ی قلبیمی هجرونده سیخان آی قارداش
جان وئرنده گوزی یوللاره باخان آی قارداش
ای صراط شرف و عزّته ،قربان لایلای
یارالی ،ایستی قوم اوستونده وئرن جان لایلای
..
..
..
..
#شهید #محمدحیدری #ترکی #زبدةالاشعار