بو غربت اُلکه ده بی یار و بی حبیب اُلورم #کاظمیه_سعدی_زمان

زبانحال حضرت امام کاظم (ع) در زندان هارون
.
#زبدةالاشعار
.
: @nohe_torki
.
مرحوم سید رضا حسینی #سعدی_زمان
.
بو غربت اُلکه ده بی یار و بی حبیب اُلورم
نه بیر دوا گتورن وار نه بیر طبیب اُلورم
.
نه حالیمی سوروشان نه عیادته گَلنیم
وطندن آیری سالوبدور قضا غریب اُلورم
.
ایاقدا کُنده یوزوم یرده گوزلریم یولدا
اوغول دینده منه یوخدی بیر مجیب اُلورم
.
بالام رضانی گورم جان ویرم رضایم من
هزار حیف که دیداره بی نصیب الورم
.
بو حبسخانة تاریکه گلسه شمس شموس
غروب عمریم اولوبدور گورر قریب اُلورم
.
اولیدی کاش بو ساعت یانیمدا معصومه
گوریدی منده داخی قالمیوب شکیب اُلورم
.
سخوبدی کُنده آخوبدور توپوخلاریمدان قان
ایدوب ایاقلاریمی قانیله خضیب اُلورم
.
دوتوب شرر رطب زهر داردن جگریم
سالوبدی زهرین اودی قلبیمه لهیب اُلورم
.
اَسوبدی گلشن آمالیمه سموم خزان
دلیمده ناله چو بر بسته عندلیب اُلورم
.
بالالاریم منه، من اهل بیتیمه حسرت
آلوب قراریمی بو محنت مُهیب اُلورم
.
فراز عرشه چخار آه و شیونیم گیجه لر
ایدوب گیجه، گونومی محبس نشیب اُلورم
.
اَریتدی جسمیمی زندان غمی قوجاتدی منی
بوکولدی قدّیم آلوب تابیمی مشیب اُلورم
.
حساب سیز منه آزار ایدوبدی سِند دنی
ایدر محاسبه سین خالقه حسیب اُلورم
.
«حسینی» آغلا اُلونجه غریب بغداده
اُلنده شادروان اُول، دیمه کئیب اُلورم
.
مشیب:: پیری و سفیدی موی
کئیب :: غمگین و , اندوهناک و شکسته دل
.
.
#کاظمیه_شهادت
#بو_غربت_ئولکه_ده_بی_یار_و_بی_حبیب_ئولورم
#آثارالحسینی2 ص 195
#ترکی
.
#زبدةالاشعار
.
: @nohe_torki