تقدیم به رزمندگان هشت سال دفاع مقدس
.
✍️ #زبدةالاشعار ✍️
.
🆔: @nohe_torki
.
ستار رزاقی تبریزی
.
سَگیز ایل کفریله پیکار اِئلَدی ملّتیمیز
دائماً حفظ اولا تا دهریده حیثییّتیمیز
.
باغلییوب شوقیله همّت کمرین عاشقلر
رهبرین امرینه لبّیک دیوب امّتیمیز
.
دین و قرآن و ولایتدن ئوتور چیرمالانوب
گلدیلر صحنیه تا ثابت اولا همّتیمیز
.
موبه مو ایلدیلر امر امامی اجرا
چونکی باغلانمیشیدی رهبریله بیعتیمیز
.
اِئله جانانه دفاع ایلَدیلر کشوردن
آنلادی دشمن دون وار نَقَدَر قدرتیمیز
.
مکتب سرخ شهادت بیزه سرمشق اولدی
اودی تا واردی جهان گِتمیه جاق عزّتیمیز
.
توکولوب پیرو جوان جبهه لره الده صلاح
گون کیمی اولدی عیان اِئللر آرا وحدتیمیز
.
دلده گه ذکر حسین گاه ابوالفضلین آدی
دشمنه حمله ایدوب اولمادی هیچ وحشَتیمیز
.
دشمنون آلدیلا آرامشینی صبح و مسا
سیندیریبدور صف کفّاری او گون همّتیمیز
.
قوؤدولار تولکی صفت دشمنی بو تُپراقدان
گوردولر واردی نجه شیر کیمی صولَتیمیز
.
بیر وَجَب قویمادیلار توپراقیمیز غَصب اولسون
چون بو تپراقلا جهانه یاییلوب شُهرَتیمیز
.
چوخ ایگیتلر بو گوزل یولدا اولوب قربانی
قانیله تاپدی شرف ملّتیمیز دولتیمیز
.
تا جهان وار بو مقدّس حرکت کُهنَلمَز
ایل به ایل بیر بیله گونلرده جوشار غیرَتیمیز
.
بو پیامی هامیه ایله بیان «رزّاقی»
کی ویروب درس شرف عالمه حُرّیَّتیمیز
.
.
#دفاع_مقدس #ستار_رزاقی
#شهید #شهادت #وطن #حماسی
#سگیز_ایل_کفریله_پیکار_ایلدی_ملتیمیز
#ترکی
.
✍️ #زبدةالاشعار ✍️
.
🆔: @nohe_torki
نظر دهید