بو نجه گوندی طلوعین شب یلدا ایلیوب #اکبریه_بیضا_اردبیلی

آمدن حضرت علی اکبر به میدان کربلا
.
✍️ #زبدةالاشعار ✍️
.
🆔: @nohe_torki
.
مرحوم بیضاء اردبیلی
.
بو نجه گوندی طلوعین شب یلدا ایلیوب
عالمی نور رخی وادی سینا ایلیوب
قالوب حیرتدی قوشون بیر بیره نجوا ایلیوب
دیدیلر اکبره هرکیم که تماشا ایلیوب
بشر اولماز بیله اکبردی تجلا ایلیوب
.
.
.
قاریشوب بیر بیره اعدانین اوجالدی سخنی
قالدی دریای تحیّرده ز بس قوم دنی
ظلمت محض ویرور رشگ جمال حسنی
هاردا قالموشدی دییَن طوریده ربِّ اَرَنی
گوره پیدا اوزونی ربّیَ الاَعلی ایلیوب
.
.
الحَذر الحَذر اول طرّۀ طرّاریندان
یوز مین عاشق دلی آویزیدی هر تاریندن
«خَرَّ موسی صُعِقا» پرتو رخساریندن
بودی عیسایه ویرن دم، دم احیاسیندن
که او دم مردۀ صد ساله نی احیا ایلیوب
.
.
بیر نظر عارض آل و خط و خالینه سالان
قالوب حیرتده دییردی بو دی حیّ منان
لامکان کرببلا دشتنی ایلوبدی مکان
بو عبث سوزدى دیمون خلقه گورونمز رحمان
لن ترانی ایشیدوب موسی تمنّا ایلیوب
.
.
.
قسم الهه بو الله دگل حیدر دور
باشدا عمامه سی عمامۀ پیغمبر دور
خَلقاً و خُلقاً و نطقاً بو همان سروردور
دیدیله اوغلی حسینون بو علی اکبر دور
آتاسندان بو جهاد اذنی تقاضا ایلیوب
.
.
وار یقین روز جزاده او شه تشنه لبان
لطف ایدوب ایلیه هر بیتینه بر بیت جنان
بیر جنانیکه اوزی اوردا اولا اول جانان
لطف تحسین ایلیوب سویلیه ای جان ای جان
آفرین طبعیوه بیضاء ید بیضاء ایلیوب
.
.
#اکبریه_بیضا_اردبیلی
#اکبریه_مدح #اکبریه_شهادت
#بو_نجه_گوندی_طلوعین_شب_یلدا_ایلیوب
#ترکی
.
✍️ #زبدةالاشعار ✍️
.
🆔: @nohe_torki