زبدةالاشعار

بو نه بزم غم فزادور که قرادی هر اساسی #ورود_محرم_دلسوز_تبریزی

ماه محرم
.
✍️ #زبدةالاشعار ✍️
.
🆔: @nohe_torki
.
مرحوم دلسوز
.
بو نه بزم غم فزادور که قرادی هر اساسی
یر و گوگدن آشکاره گَلی واحسین صداسی
.
مگر آشکار اولوبدی مه غم گلوب محرّم
دوتولوب جهاندا یوخسا شه کربلا عزاسی؟
.
دیه سن اسیر اولوبدی بو گون اهل بیت اطهار
گَلی ناقه اوسته یارب گئنه زینبون نواسی
.
طوی ائدوبدی یا شهِ دین گئنه قاسم جوانه؟
بویانوبدی شمعی قاره اله قان اولوب حناسی
.
گوروم ای فلک سنی کاش او زمان خراب اولیدون
سوله هانسی نوجوانون بیر اولوب طوئیله یاسی؟
.
دولانیدی دؤرون ای چرخ ، او گونی که کربلاده
علی اکبر جوانون کفن اولدی طوی لباسی
.
نجه گئچدی باش و جاندان او جوان وفا یولوندا
اولا جانیم اول جوانون او وفاسینون فداسی
.
آناسی او پاره نعشین گتیرنده خیمه گاهه
گوره سن نه چکدی یارب علی اکبرون آناسی؟
.
نجه سالدی باشه لیلی علی اصغرین قراسین؟
گوتورلمه میشدی هرگز علی اکبرین قراسی
.
نه قدر علم الینده واریدی وفالی عبّاس
هامی لشگرون واریدی او دلیردن هراسی
.
اونی تا گروه بی دین یره سالدیلار آتیندان
شهِ دینون اوندا یتدی گوگه وا اخا صداسی
.
اگر ئولمییدی عباس او دلاور یگانه
نجه اهل بیته شمرون یتوشردی هر جفاسی
.
نجه تاب ائدردی زینب باش آچوق گئدنده شامه
نه دیم قبول ائدردی بونی غیرت و وفاسی
.
بو عزاده نوحه #دلسوز ائله حشر اولونجا دائم
یقین ائت ایکی جهاندا بودی دردیمون دواسی
.
.
#ورود_محرم #دلسوز_تبریزی
#بو_نه_بزم_غم_فزادور_که_قرادی_هر_اساسی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...