عالم بو گون گیمش قرا رحلت ایدوب خاتم #پیامبراسلام_نادری

رحلت حضرت رسول (ص)
.
✍️ #زبدةالاشعار ✍️
.
🆔: @nohe_torki
.
#سبک_ویرانه_ده_نازلو_بالام
.
مرحوم نادری میانجی
.
عالم بو گون گیمش قرا رحلت ایدوب خاتم
قان آغلیور ارض و سما زهرا دوتوب ماتم
.
.
کوچدی بقایه مصطفی یالقوز قالوب حیدر
واردور یری قیلسین نوا ویرسون صدا گوگلر
باشون ساق اولسون فاطمه اولدی گلون پرپر
جان تاپشروب خیرالورا زهرا دوتوب ماتم
.
.
مکه منانین سروری بطحادن آیریلدی
مروه صفانین صاحبی دنیادن آیریلدی
گریان قویوبدورحیدری زهرادن آیریلدی
یاسه باتوبدور ماسوا زهرا دوتوب ماتم
.
.
کوی ثقیفه نقشه سی حقه چکوب پرده
فرصت طلب اشخاصلر جمع اولدی بیر یرده
سالدی بو مجلس صحبتی زهرانی چوخ درده
آغلار قالوب خیرالنسا زهرا دوتوب ماتم
.
.
تحریک ایدوب ثانی او گون بیر عده گمراهی
پهلوسی زهرانین سنوب اودلاندی درگاهی
سسلندی تیز فریاده گل مؤمنلرین شاهی
سقط اولدی محسن ای خدا زهرا دوتوب ماتم
.
.
کفره قیتدی قوم دون ایمان ایاقلاندی
خیبر یخان قوللار او گون جبریله باغلاندی
قلب پیمبر عدنده ظلمیله داغلاندی
اولدی او گون محشر بپا زهرا دوتوب ماتم
.
.
ختم رسل عقبایه چون ایتدی او گون رحلت
زهرای اطهر چوخ چکوب اوندان صورا ذلّت
حق و حقوقی غصب اولوب دشمن تاپوب فرصت
بیت الحزن ایتدی بنا زهرا دوتوب ماتم
.
.
آل رسولی خوار ایدوب اول فرقۀ کافر
اولدی پریشان بوتراب زهرا اولوب مضطر
سسلر حسن گاهی حسین جدیم هانی مادر ؟
باشلاندى چون شور و نوا زهرا دوتوب ماتم
.
.
یاز نادری دنیا ندن بس اولمادی ویران
چکدی علینی مسجده جبراً او گون عدوان
ریشه بویردن باغلانوب ئولدی حسین عطشان
قانیله دولدی کربلا زهرا دوتوب ماتم
.
.
#پیامبراسلام_نادری
#پیامبراسلام_شهادت
#عالم_بو_گون_گیمش_قرا_رحلت_ایدوب_خاتم
#ترکی
.
✍️ #زبدةالاشعار ✍️
.
🆔: @nohe_torki