زبدةالاشعار

بو نه عالمدور ندن بو حاله قالدون ذوالجناح #ذوالجناح #صافی_تبریزی

ذوالجناح
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
بو نه عالمدور ندن بو حاله قالدون ذوالجناح
نیلدون بیکس بابامی هاردا سالدون ذوالجناح
.
.
کاکل و یالون ندن آغشتۀ خون ایتمیسن
چشمۀ چشمون بسان رود جیحون ایتموسن
قرخادین پرده نشین لیلانی مجنون ایتمیسن
نیلدون بیکس بابامی هاردا سالدون ذوالجناح
.
.
اوزگه بیر حالیله سن ای باد پیما گلموسن
گوزده یاش دلده نوای واحسینا گلموسن
هانسی دسته ایچره قویدون شاهی تنها گلموسن
نیلدون بیکس بابامی هاردا سالدون ذوالجناح
.
.
بو نچه ساعتده نچه یول او شاه تاجدار
خیمیه گلدی دوباره قیلدی عزم کارزار
گلمیوب علّت ندور بو دفعه باشیندا نه وار
نیلدون بیکس بابامی هاردا سالدون ذوالجناح
.
.
آرتیرور بو حالتون قلبیمده هر آن اضطراب
نه قرار و هوش وار نه صبر و طاقت وار نه تاب
اوز یرینده نه جلو نه ترک زین وار نه رکاب
نیلدون بیکس بابامی هاردا سالدون ذوالجناح
.
.
من دوتوم نه احترام حق دی نه مهمانیدی
نه آناسی فاطمه نه زاده ی عمرانیدی
دی گوروم سو ویردیلر آخر بابام عطشانیدی
نیلدون بیکس بابامی هاردا سالدون ذوالجناح
.
.
اولما جسمین پایمال تیغ و پیکان گورموسن
پیکر مجروحینی مصباح میدان گورموسن
اوز گوزونله سن مگر آلقانه غلطان گورموسن
نیلدون بیکس بابامی هاردا سالدون ذوالجناح
.
.
خوش سسون بیر آن ویروردی آل طاهایه نوید
چون امید وصلیله مسروریدی هر نا امید
یوخسا بو دفعه ایدوبلر شاهیده دشمن شهید
نیلدون بیکس بابامی هاردا سالدون ذوالجناح
.
.
ای آدی وحشی اوزی انسان کیمی احبابه رام
انتظارون چوخ چکر دیله سنون اهل خیام
بولمورم نولموش گلوبسن بیله برگشته لجام
نیلدون بیکس بابامی هاردا سالدون ذوالجناح
.
.
آغلا فریاد ایله صافی گلمسون هرگز عجب
اولدی بو شیرین کلامه شور گوزیاشین سبب
دی دیسونله اهل عاشورا بو ذکری روز و شب
نیلدون بیکس بابامی هاردا سالدون ذوالجناح
.
.
#ذوالجناح #صافی_تبریزی
#حسینیه_شهادت
#بو_نه_عالمدور_ندن_بو_حاله_قالدون_ذوالجناح
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ندندی بو سحر باشون بویاندی قانه آی بابا #حیدریه_شایان_ارومیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی