بو همان گوندور حسین باشسیز قالوب #حسینیه_سعدی_زمان

رجز #عاشورا_گونی
.
#زبدةالاشعار
.
: @nohe_torki
.
مرحوم سعدی زمان
.
بو همان گوندور حسین باشسیز قالوب
زینب مظلومه قارداشسیز قالوب
.
.
عرش اعلاده حسینون یاسیدور
کربلا صحراسی قان دریاسیدور
شاه دینون یوم عاشوراسیدور
بو همان گوندور حسین باشسیز قالوب
.
.
آغلوری معناده پیغمبر بو گون
باشینه توپراق سَپر حیدر بو گون
کربلاده باشلانوب محشر بو گون
بو همان گوندور حسین باشسیز قالوب
.
.
ساکنان آسمان قان آغلوری
قدسیان کرّوبیان قان آغلوری
باش آچوب صاحب زمان قان آغلوری
بو همان گوندور حسین باشسیز قالوب
.
.
باشلانوبدور محشر کبری بو گون
وای حسینیم وای دیر زهرا بو گون
شیعه لر ویرماز باشا آیا بو گون؟
بو همان گوندور حسین باشسیز قالوب
.
.
بو همان گوندور گُل زهرا سولوب
زینب کبری پریشان حال اولوب
کربلا میدانی قانیله دولوب
بو همان گوندور حسین باشسیز قالوب
.
.
شوره گلدی زینب مضطر بو گون
کربلا اولدی اونا محشر بو گون
بند بند اولدی علی اکبر بو گون
بو همان گوندور حسین باشسیز قالوب
.
.
عرش و فرش ایتدی بو گونده زلزله
فاطمه جنّاته سالدی ولوله
دوشدی زینب معجری الدن اله
بو همان گوندور حسین باشسیز قالوب
.
.
دوغرانوبدور یار و انصار حسین
جان ویروب بو گون علمدار حسین
اولمیوب کیمسه هوادار حسین
بو همان گوندور حسین باشسیز قالوب
.
.
نو عروس ایتدی بوگون زلفین پرند
قاسمین دوغراندی نعشی بند بند
جسمنی سَحق ایلدی سُمِّ سمند
بو همان گوندور حسین باشسیز قالوب
.
.
ووردیلار عبّاسه بو گون بیر عمود
ایتدی زین اوستن یوزی اوسته سجود
اولمادی ممکن ایده بیرده قعود
بو همان گوندور حسین باشسیز قالوب
.
.
ناحق اهل حقّی بیر باش ووردولار
گه قلج گه نیزه گه داش ووردولار
نیزیه یتمیش ایکی باش ووردولار
بو همان گوندور حسین باشسیز قالوب
.
.
دادخواهی گوردولر یوخ ووردولار
جسمینه تیغ و سنان چوخ ووردولار
قلبینه اوچ شعبه بیر اوخ ووردولار
بو همان گوندور حسین باشسیز قالوب
.
.
یخدیلار پیغمبر اوغلین کوفیان
آلدی دورین داش ووران خنجر ووران
ووردی بیر نیزه بوغازیندان سنان
بو همان گوندور حسین باشسیز قالوب
.
.
العطش ایمدی شه عطشان دیور
شمر الینده خنجری قان قان دیور
وای حسین وای زینب نالان دیور
بو همان گوندور حسین باشسیز قالوب
.
.
گه دیور شاه شهیدان العطش
گه ایدور قاتل ایاقی آتدا غش
شمریله گه زینب ایلور کشمکش
بو همان گوندور حسین باشسیز قالوب
.
.
آخدی دریا تک چوله آب فرات
تشنه لب جان ویردی شاه کاینات
خیمه گاهه بو گون اود ووردی عدات
بو همان گوندور حسین باشسیز قالوب
.
.
اَلسَّلامُ لِلدِّمآءِ السّائِلات
اَلسَّلامُ لِلشُّعورِ النّاشِرات
اَلسَّلامُ لِلوُجُوهِ اللّاطِمات
بو همان گوندور حسین باشسیز قالوب
.
.
آلماسا عصرین امامی انتقام
سینه ده بو یاره تاپماز التیام
ای «حسینی» بسدی قیل ختم کلام
بو همان گوندور حسین باشسیز قالوب
.
.
#حسینیه_سعدی_زمان
#حسینیه_شهادت
#چهارده_معصوم_حسینی ص 147
#بو_همان_گوندور_حسین_باشسیز_قالوب
#ترکی
.
#زبدةالاشعار
.
: @nohe_torki