استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
ای دل تخیلاتیده پندار الینده ام
دریای غم ده غرقم و افکار الینده ام
.
عیبیم واریمدی معترفم غیبیمه اوزوم
اؤرتوب تمام عیمی ستّار الینده ام
.
بیر آستانه دن ئوپورم جبرئیل ئوپوب
ایو صاحبی حسیندی، وفادار الینده ام
.
عزتلیم، حسین قاپوسیندا قوجالمیشام
روحیم ولی جوانیدور اقرار الینده ام
.
تابوتیمه قویاندا منی یا حسین دیون
روحاً گوروم گروه عزادار الینده ام
.
یازدیم وصیتیمده حسین قاره سی واریم
عمروم منیمده قورتارور احضار الینده ام
.
آرمیمدی باغلیون باشیما کفن و دفنیده
ارزشلیدور نشان بهادار الینده ام
.
گورسون نکیر و منکر حسینون قراسینی
بیلسون منیم حسین تک آقام وار الینده ام
.
گوندرسه بسدی قبریمه عبّاسینی حسین
گوررم قرانلوق ایوده علمدار الینده ام
.
خوشدور گنه کتابه اباالفضلدن یازام
آختارمیشام خبرلری اخبار الینده ام
.
گویا ندا یتیشدی منه یاز شهادتین
سسلندی گل حسینینه اشرار الینده ام
.
پروانه مثلی، شمع وفاده پریم یانوب
قانلی ماده فرقۀ کفّار الینده ام
.
اطرافیمی آلوب قاباقیمدان قاچان قوشون
گلزار مرتضاده گُلم، خار الینده ام
.
اون یدی نانجیبون الیندن قوتار منی
گل داده قتلگاهیده خونخوار الینده ام
.
قوللاریمی سالوبدیلا، طاووس بی پرم
صیاد نابکار و ستمکار الینده ام
.
گوز گوزدی پیکریم وورولان تیر و نیزه دن
اللردن آل منی سپه نار الینده ام
.
دشمن دیور قولومدا گوجوم وار وورام سنی
باشیمده یاره پنجۀ اغیار الینده ام
.
اولدی هدف عموده باشیم رزمگاهیده
باشیمده یاره پنجۀ اغیار الینده ام
.
قانیم آخوب دولوبدی قرانلوق چالور گوزیم
ای عشقین آفتابی شب تار الینده ام
.
گوندردی میر کوفه امان نامه گیتمدیم
ملک وفاده دولت بیدار الینده ام
.
عبّاسووم همیشه منه یار ناب سن
عشق عالمینده آه شرربار الینده ام
.
تقدیم عشقدور ایکی قول بیر گوزیم آقا
یوخدور غمیم بو باره ده ایثار الینده ام
.
زائر واریم بهشت بریندن گلوبدیلر
چاتدیم قاپوندا رتبیه زوّار الینده ام
.
نهر فراته ووردیم علم ایچمدیم سویون
سوز نفسیدن دی نفس سزاوار الینده ام
.
باد صبا خبر گتیروب سو گلور سنه
شاه نجفدی حاملی دیدار الینده ام
.
باشدان ایاقه قاندی وجودیم یارالیام
ای ثار ذوالمنن، ئولورم، ثار الینده ام
.
گل سیل گوزومده قانی باخیم گل جمالووه
آخر نفسلریمده گوروم یار الینده ام
.
آل باشیمی دیز اوسته بیلیم جان ویرنجه من
نور دو عین احمد مختار الینده ام
.
پرچم امانتوندور اسور قانلی سینه ده
گویا علم دیور من علمدار الینده ام
.
اعلان ائله سوسوزلارووا مشگیم اوخلانوب
قارداش فشار و زحمت و آزار الینده ام
.
اخیامیده رقیه گوزون تیکمسون یولا
میداندا رحمی اولمیان اقشار الینده ام
.
زهرا آنون منه بویوروب گل قوجاقیمه
بیر دُرّ مثلی خبره خریدار الینده ام
.
شیرینیدور سوزی آنوون زینبیم کیمی
دیندیردی آلدی گوگلیمی دلدار الینده ام
.
آهسته قوی دیدی باشووى سینه مه اوغول
گوردوم قاپومدا زهریلی مسمار الینده ام
.
الان گلر داریخما جوانی ئولن بالام
شکروم واریمدی خالقه غمخوار الینده ام
.
قارداشووی دینده چاغور روحیم حظ ایدوب
فخریمدی فخر حیدر کرّار الینده ام
.
قویمور یارا گوزومده باخام گل عذارینه
نیلوم مناده دیدۀ خونبار الینده ام
.
دیلر قباله اوسته ویروب ثانی کوچه ده
گل سن گلینجه محرم اسرار الینده ام
.
قانلى لکه دوشوب گوزونه ضرب سیلیدن
ایلور نظاره نرگس بیمار الینده ام
.
گوزدن گوروبدی ضربه آنوندا منیم کیمی
جبراً شکست اولان دُر شهوار الینده ام
.
ئوپدوم قدومینی دوداقیم عطرداریدور
گل مادر ائمّۀ اطهار الینده ام
.
طبع «معزی» موجه گلوب بحرلر کیمی
اظهار ایدور بیر عمریدی اشعار الینده ام
.
.
#عباسیه_معزی_اردبیلی
#عباسیه_شهادت
#ای_دل_تخیلاتیده_پندار_الینده_ام
#ترکی
.
✍️ #زبدةالاشعار ✍️
.
🆔: @nohe_torki
نظر دهید