شب عاشورا
و گریز به شهادت حضرت علی اکبر (ع)
.
✍️ زبدة الاشعار ✍️
.
🆔: @nohe_torki
.
مرحوم انور ادربیلی
.
بو گئجه بیعت پوزولدی آشنالر گئتدیلر
قویدیلار پیغمبر اوغلون بی وفالر گئتدیلر
.
.
منبر اوستونده حسین بن علی صاحب وقار
شوریله منشور عاشورانی ائتدی آشکار
روشن اولدی صبح آچیلسا قتل وار کشتاروار
عشق دنیای فنایه مبتلالر گئتدیلر
.
.
شب پره مثلی تمتّع گوردیلر ظلماتیدن
خیر محضی نفی ائدوب ال چکدیلر اثباتدن
کعبه آمالیده آیریلدیلار میقات دن
گیمه میش احرامنی حاجی نمالر گئتدیلر
.
.
یوخدور امکانی ملوس لر قوشولسون اقدسه
سس ویروب واپس گرالر فرقۀ دلواپسه
ایتدیلر احساس باد ابتلا ایستور اسه
گر دگر مثلنده منثوراً هبالر گتدیلر
.
.
بولدیلر یوخدور حسینه یوم عاشورا ظفر
بوی مرگی درک ائدوب سسلندیلر این المفر
مین نفر حضّاردن قالدی فقط یئتمیش نفر
قالب غیرتلری بی محتوالر گئتدیلر
.
.
سوز دیمک آساندی اما امتحان ویرمک چتین
مرد میدان ایستیور یوم بلا اولسون متین
حفظ ایدنمز سست پیمانلار بلی حیثیتن
صحنه دن تر دامنان و تر قبالر گتدیلر
عشق وحدت عاشق سرمست و حیران ایستیور
پاکباز و پاکی و آزاده انسان ایستیور
گرمی بازارینه قان ایستیور جان ایستیور
سکّۀ مغشوش مثلی کم بهالر گتدیلر
.
.
نقل ائدور شخصاً سکینه شاه دینون دختری
قیلدی فرمایش بابام سوندوردیلر مشعل لری
آز زماندا خالی اولدی خیمه لر دور و بری
بش بش اون اون اهل تزویر و ریالر گئتدیلر
.
.
دال چویردی جنّته نامردمان سودجو
ترک ایدوب گویا سلیمانی سپاه دیو خو
آری سیراب ایلمز بیر تشنه نی مین بوش سبو
بوش سبولر تک کذائی آشنالر گتدیلر
.
.
صبح آچیلدی الغرض وئردی قالانلار امتحان
کهنه عاشق لر تاپوبلار عشق حقدن تازه جان
لبلری گل مثلی خندان و ئوره کلر شادمان
کوی جانانه سلیم المدعالر گئتدیلر
.
.
نه مهاجردن قالوب بیر کیمسه نه انصاردن
بیربه بیر دلبرلر آیریلدی گوزه ل دلداردن
عشق و سرمستی گئچوب اندازه دن معیاردن
کیمیاگر قالدی حیران، کیمیالر گئتدیلر
.
.
ایلدی تعظیم شاهه اکبر شیرین سخن
اذن ویر عرض ایتدی ای سالار سلک مؤتمن
آل هاشمدن اولوم قربان سنه اولده من
عزم ایدیم جنگه نجیکه پارسالر گتدیلر
واردی امیدیم بابا اولسون جهادیم دلپسند
کچمین سردن حضور حقده اولماز سربلند
خوشدی دلبندون بوگون نی مثلی اولسا بندبند
قوی گیدیم نوبت منیمدور جان فدالر گتدیلر
احترام عمّه مه ویرّم قسم شاها سنی
بزم وصلتده آیرما حرّون اوغلوندان منی
یوسف عشقه گوزلدور گیسه قان پیراهنی
عالمون یوخدور صفاسی باصفالر گتدیلر
.
آلدی رخصت ائتدی اکبر فی سبیل الله جهاد
یاره لندی زیندن دوشدی یئره اول پاکزاد
قرمزی ژاله ایله آغ گل ائتدی گویا اتحاد
حالدن یکسر مقیمان سمالر گئتدیلر
.
.
فی المثل خاک بلایه پاره لنمیش آی دوشوب
عالم غیب و شهوده قورخلی بیر های دوشوب
گوش جناته صدای ناله و ایوای دوشوب
بارگاه قدس اعلایه صدالر گئتدیلر
.
.
نسگل اولسون اکبره ماتم دوتان مشتاق ایله
بچدی خنجر کاکلین قهرا ویروب سوزان بله
طره سین الوان ایدوب القان دولاشدی تل تله
رشته رشته نظمدن زلف الدّجالر گتدیلر
عارفه بسدور اشاره یا کلام دَلّ و قل
اولسا هر سوزده معما اهلى ایلر فوری حل
هر طرفدن حمله ور اولدی عربلر، فی المثل
پاره لی نخجیرون اوسته اژدهالر گتدیلر
جان بلب مظلوم امامه ایلدی اکبر سلام
اوغلونون آلدی سلامین سسلنوب گلدیم بالام
خیمه دن چیخدی حسین ائتدی جوانلار ازدحام
قتلگاهه ساری اهل ابتلالر گئتدیلر
.
.
چاتدی میدانه حسین دیلده علی اکبر آدی
جان دئدی، اوغلوم سنی هانسی قلجدی دوغرادی
نوح تک عمر ایلسم اولمازمنه سن سیز دادی
گوزلریمده ییر وقتیمده ضیالر گئتدیلر
.
.
روحمه جسمیم اولوبدور تنگنا محبس بالا
هانسی دریادو اولوبسان غرق ای نورس بالا
اکبر اکبر سسلورم هی، ویر منه بیر سس بالا
دوشمشم دلدن الیمدن دلربالر گتدیلر
باشون اوسته یاوران طیّب انفاسیم گلور
گوزلرینده گوزیاشی دیداره عباسیم گلور
یولداشون هم مسلکون هم صحبتون قاسم گلور
گل دیله یارا و طاقتدن فتالر گئتدیلر
.
.
چوخدی سوز کئچدوم مفصل دن بو یئرده مجمله
اوغلونون اعضاسینی گوردی حسین گلمز اله
حملینی مشکل بولوب سالدی عباسین مقتله
وئردی بیر فرمان گویه یئردن نوالر گئتدیلر
.
.
ای جوانلار حمل ائدون قارداشوزی میدانیدن
دردمندم چاره سیز ال اوزموشم درمانیدن
گوز تیکن چوخدور یولا نسواندن طفلانیدن
خیمه لرده اوزلریندن بی نوالر گئتدیلر
.
.
حامل اولدی آل هاشم پرپر اولموش لالیه
باغبانون اشکی گل هجرینده دوندی ژالیه
تلدن اندیردیلر گلدی حرملر نالیه
قاره باشدا یاسینه بختی قرالر گئتدیلر
.
.
آچدیلار قانلی عبانی سس دوشوب داغداشلارا
باخدیلا الوان اولان مژگانلارا گوز قاشلارا
گوردیلر باشدا یاراسین گئتدی اللر باشلارا
تاب و طاقت دن بالالار هم آنالار گئتدیلر
.
.
انورا، شعر عالمینده سعی ایله هر رنجه دوز
مرده سوزلن دفتری دولدورما یاز جاندار سوز
زشتی زیبادن سِچَر اهل ادبده واردی گوز
ذهن مردمدن هاچان زیبا رثالر گتدیلر
.
#شب_عاشورا_انور_اردبیلی
#اکبریه_شهادت
#بو_گئجه_بیعت_پوزولدی_آشنالر_گئتدیلر
#ترکی
.
✍️ زبدة الاشعار ✍️
.
🆔: @nohe_torki
.
نظر دهید