شب عاشورا
.
#زبدةالاشعار
.
: @nohe_torki
.
مرحوم صحّاف
.
بو گئجه پوزقوندی جدّون حالی یا صاحب زمان
صبحه تک وحشتده دور اطفالی یا صاحب زمان
.
.
بیر حسینی که اونا لای لای دیردی جبرئیل
ایلمیشدی خون بها ذاتین اونا ربّ جلیل
چکدی امرین بیر مقامه بو گئجه قوم رزیل
دلده قالدى نقشۀ آمالی یا صاحب زمان
.
.
بو حسینی که اونون جدّیدی ختم المرسلین
سینه سینده بسلیوب چکمیشدی زهرا زحمتین
بو گئجه اطرافنی آلدی گروه مشرکین
نقطۀ پرگار اولوب تمثالی یا صاحب زمان
.
.
سن اوزون آگاهسن ای عالِم سرّ و علن
سالدیلار بو شاهین امرین تنگه اشرار زمن
بو گئجه جدّون حسین مهلت آلاندا شمردن
نولدی عمّه ن زینبون احوالی یا صاحب زمان
.
.
دشمنه اولدی مؤثّر حال مظلومیّتی
ناطق قرانیدی خلّاق داور حجّتی
واریدی قرآن تلاوت ایتماقا جدّیّتی
بو عملدن اولمیوب اغفالی یا صاحب زمان
.
.
چوخ سویردی ایلسون معبودیله راز و نیاز
گوردی مقصودی اله گلدی قوروب بیر بزم راز
ایلدی قرآن تلاوت صبحه تک راز و نیاز
تک به تک محبوبیدی اعمالی یا صاحب زمان
.
.
ایتدی بیر اتمام حجّت اول شهنشاه حجاز
دوندروب اهل حقیقتدن یوزون اهل مجاز
تاپدی یتمیش بیر نفر عشق عالمینده امتیاز
اونلارین گلمز داخی امثالی یا صاحب زمان
.
.
زینب مظلومه گوردی امّ لیلا دیده تر
اکبرین جانان یولوندا ویرماقا قربان بزر
ایلدی حسرت گوزیله تا بو اوضاعه نظر
صورته آخدی سرشک آلی یا صاحب زمان
.
.
خیمه لرده بو گئجه اولموشدی بسکه قحط آب
آز قالوردی اصغری سوز عطش ائتسون كباب
دمبدم جاری ائدوب رخساره باخدوقجا رباب
دیده دن اشک تر سیّالی یا صاحب زمان
.
.
خیمه لر دورینده عباسی دوروب الده علم
چون بولوردی گوز تیکوب اول بیدقه اهل حرم
آه او ساعتدن اولوب سو اوسته قولّاری قلم
یاتدی جدّون بیدق اقبالی یا صاحب زمان
.
.
یاتماسیدی گر ابوالفضلون لوای قدرتی
وحشته سالمازدی دشمن اهلبیت عصمتی
زینبین اولماز او ساعتدن چتین بیر ساعتی
غارت اولدی شوکت و اجلالی یا صاحب زمان
.
.
.
#شب_عاشورا_صحاف_تبریزی
#بو_گئجه_پوزقوندی_جدون_حالی_یا_صاحب_زمان
#ترکی
.
#زبدةالاشعار
.
: @nohe_torki
نظر دهید