زبدةالاشعار

حمد لله ساقیا اولدی گینه فصل بهار #حیدریه_دلریش

ساقی نامه در مدح اسدالله غالب علی ابن ابیطالب (ع)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
حمد لله ساقیا اولدی گینه فصل بهار
گئتدی بو آیینۀ دلدن هامی گرد و غبار
جام زرّینه گتور توک بیر شراب خوشگوار
مست اولوم هر دم دیوم بو بیتی من بی اختیار
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
دوت الیمدن بیر ایاقیله ائله لطف و کرم
ایلیوب ویران گوگل ملكین ملال و درد و غم
وئر شراب وصلیله بو مردۀ هجرانه دم
سویلیوم بو اسم پاکی بزم اولا باغ ارم
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
طوطی طبعیم آچوبدور ساقیا نطق زبان
ایلسون بیر شمّه ای اوصاف مولادن بیان
هانسی مولا آدینه اولسون فدا بو جسم و جان
خواجۀ قنبر شه محشر امام انس و جان
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
مدح مولادن اولانماز مطّلع هر بی خبر
مدح مولادور کلام الله منکر سربسر
هرکس ایستیر کیم ایکی دنیا اونا وئرسون ثمر
ایله سون ورد زبان بو کلمه نی شام و سحر
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
ایلینده فتح خیبر اول ولیّ کردگار
مرحبیله مرکبین ائتدی دو نیم اول شهریار
کون و امكانه او دم دوشدی تزلزل آشکار
گوردی بو شصتی دئدی روح الامین بی اختیار
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
عبدود اوغلونا دوردی روبرو شیرخدا
بیرجه ضربتله وئروب دوزخده اول ملعونه جا
هر ایکی لشگردن اوج ائتدی صدای مرحبا
سویلدی اصحاب پیغمبر تماماً برملا
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
وورما بو دل شیشه سینه منکر بی شرم سنگ
کیمده واردور قدرت ائتسون قدرت اللهیله جنگ
عالمی لشگر دوتا بیر ضربینه ائتمز درنگ
حین دعواده دییر اولسا مبارز یوز نهنگ
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار

متن پیشنهادی:  اهل جهان آغلار بو گون ای سید عالم سنه #حسنیه_دلریش

وئردی دین مصطفایه ذوالفقاریله رواج
پادشاهان جهاندان آلدی بو باج و خراج
غزوۂ خندقده قویدی انّمادن باشه تاج
سویلسون بو بیتی هر کیم دردینه ایستر علاج
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار

جنّیله جنگ ایلین وقته امیرالمؤمنین
پایه ایمانی محکم ایلدی حبل المتین
گوردی بو اعجازی اضفر حق یقین ائتدی یقین
سویلدی بو ضربه شصته آفرین صد آفرین
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
وصف ائدوب اول سروری قرآنده اوّل خدا
لحمک لحمی بونون شأنینده سویلوب مصطفا
گتدیلر حقه شفیع بو شاهی جمله انبیا
ایلیون ورد زبان اولماز بئله مشگل گشا
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
گیر و دار حشریده یوخ کیمسیه راه گریز
کفر و ایمان بو ولیّ اللهیلن تاپمیش تمیز
ذکر اولان یرده فضایل ناصبی ایلر ستیز
انبیالر اولدیلار بو اسمیله حقه عزیز
شاه مردان، شیر یزدان، حیدر دُلدلسوار
لافتی الا علی لا سیف الا ذوالفقار
.
.
#حیدریه_مدح
#حمد_لله_ساقیا_اولدی_گینه_فصل_بهار
#لافتی_الا_علی_لا_سیف_الا_ذوالفقار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آشیانی اودلانان قوشلار چمن سیزدور بوگون #سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی