بو گجه صبحه کیمی عرش کبریا آغلار #شب_عاشورا_حقیر_خویی

شب عاشورا
.
#زبدةالاشعار
.
: @nohe_torki
.
مرحوم میرزا عبدالوهاب حقیر خویی
.
بو گجه صبحه کیمی عرش کبریا آغلار
گلوبدی نالیه سکّان نُه سما آغلار
.
تمام قاره گئیوب انبیای ذوالاکرام
حسین حسین دیر ختم انبیا آغلار
.
اوغول دیوب دولانور خیمه گاهین اطرافین
الی بئلینده علی شاه لافتا آغلار
.
آچوب یاخاسین علی فاطمه آچوب باشینی
یانان جگرلری زهریله مجتبا آغلار
.
صباح اولاندا دوشر غلغله سماواته
فلک ملک یر و گوگ کلّ ماسوا آغلار
.
صباح اولاندا دوتار کربلا چولین طوفان
که نوح نوحه ایله باشلیوب نوا آغلار
.
صباح اولاندا گلور کربلایه ابراهیم
گورر منایه دونوب دشت کربلا آغلار
.
گورر ذبیح خدا کربلا مناسینده
کسلّه یتمیش ایکی تشنه لب فدا آغلار
.
بو گئجه هر آنا اؤز اوغلونی کناره چکوب
دوتوبدی هر باجی قارداشینا غرا آغلار
.
عیالینی باشینا جمع ائدوب امام وحید
وداع آخر ائدر آل مصطفا آغلار
.
«حقیر» الونده گلوب نی کیمی نوایه قلم
یازار غمین خبره غملی مبتدا آغلار
.
.
#شب_عاشورا_حقیر_خویی
#بو_گجه_صبحه_کیمی_عرش_کبریا_آغلار
#ترکی
.
#زبدةالاشعار
.
: @nohe_torki