بو گونده انس و جان آغلار حسینه #عاشورا #طوری_تبریزی

عاشورا
.
#زبدةالاشعار
.
: @nohe_torki
.
مرحوم طوری تبریزی
.
بو گونده انس و جان آغلار حسینه
بو گونده خلق قان آغلار حسینه
.
عزا خانه ایدوب عرش برینی
خدا، کون ومکان آغلار حسینه
.
قدیم و حادث و ایّام و سرمد
جهان و دهر و آن آغلار حسینه
.
جمادات و نباتات اوز دلینجه
اولوب نوحه کنان آغلار حسینه
.
گیوبدی خلق نیلی رنگ جامه
اولوب قدی کمان آغلار حسینه
.
پیمبرلر ملکلر بیر بیرینه
اولوبدور روضه خوان آغلار حسینه
.
گلوب افغانه اون سکّز مین عالم
زمان آغلار مکان آغلار حسینه
.
دینده جبرئیل ای وای آقام وای
هامی لاهوتیان آغلار حسینه
.
شریعت سسلنور وای صاحبیم وای
چکر اسلام امان آغلار حسینه
.
دیر ایوای حسینیم وای اوغول وای
پیمبر هر زمان آغلار حسینه
.
آچوب ضربتلنن باشین نجفده
امیرالمومنان آغلار حسینه
.
قاپوسی باغلانان خاتون محشر
ایدوب اشکین روان آغلارحسینه
.
تجلی ایلین او، محو اولان بو
ویرنده امتحان آغلار حسینه
.
یخاندا ذوالجناح اوستن یر اوسته
اوزی آتدان یخان آغلار حسینه
.
علی اصغر بوغازی اوخلاناندا
آتان تیری کمان آغلار حسینه
.
ووراندا ظلمیله اود خیمگاهه
او بی دین کوفیان آغلارحسینه
.
دیر «طوری» گیجه گوندوز حسین وای
نهان آغلار عیان آغلار حسینه
.
.
.
#عاشورا #طوری_تبریزی
#حسینیه_شهادت
#بو_گونده_انس_و_جان_آغلار_حسینه
#ترکی
.
#زبدةالاشعار
.
: @nohe_torki