بو یردور کربلا زینب سنه حسن انتخابیم وار #ورود_کربلا_اخگر_مراغه_ای

ورود به کربلا
زبانحال امام حسین (ع)
..
..
..
اخگر مراغه ای
..
..
..
بو یردور کربلا زینب سنه حسن انتخابیم وار
قضا پیشوازیمه گلموش بویوک بیر انقلابیم وار
..
..
داریخما غم هجوم ائتسه مصائب برملا اولسا
گؤزون قانلو سرشگیله بو چولده آشنا اولسا
صبور اول وادی غمده گونون گوندن قرا اولسا
چاتام مقصوده بو چولده گئجه گوندوز شتابیم وار
..
..
بو یر باب مصائب دور داخی گولمز یوزون زینب
قبول ائتدون ازل گونده بو آلامی ئوزون زینب
یانار قلبون بلالردن توکر قانیاش گؤزون زینب
دئدون غملر بهارینده منیم آغلار سحابیم وار
..
..
قیامت یوز وئرر زینب بو چولده روز عاشورا
ئولر انصاریم عزّتله دایّانام یکه و تنها
کسن شمشیرلر ایلر حسینون قتلینی امضا
نئچه باشدان کئچن عاشق اورکدن کامیابیم وار
..
..
علی اکبر قباقیمدا دوشر چون سرو افتاده
جوان قاسم جهاد ایلر سالار قارداشیمی یاده
قلجلار نیزه لر بیر طوی دوتالار تازه داماده
طویی یاسه دونن آغلار عروس دل کبابیم وار
..
..
بئلیم سینسا بو بیر غمدن اوجالسا غم غم اوستونده
یخیلسا قولسوز عباسیم یره نهر علقم اوستونده
ابوالفضلین قالار قانی یخلموش پرچم اوستونده
اسفلی حالینه گوزده همیشه اشگ نابیم وار
..
..
همان یردور بو یر زینب سولار غنچام بوداقمدا
الیمده اوخلانار اصغر چخار جانی قوجاقمدا
اگیلسم یاره سین ئوپسم قالار قانی دوداقمدا
نه قدری غم هجوم انتسه صبورم درده تابیم وار
..
..
دانش هر یرده فرصت وار تاپا تا ملت آگاهی
باش اگمه ظلمه ئولسونده نظرده ساخلا آلّاهی
بو دنیا فانیدور قالماز فقیری اولسا یا شاهی
کتاب الله دن الده بو منظوره خطابیم وار
..
..
زیادین اوغلی دیندیرسه شمادتلی زبانیلن
سکوت ائتمه جوابین وئر اونون اوتلی بیانیلن
بویور الله بیزی فاتح ائدیب شمشیره قانیلن
بو قان ویرماخلقا دنیا بوئی کسب صوابیم وار
..
..
آچارسان قانلی بیر پرچم ائلرسن نصرت اسلامه
یغارسان قزلاری باشه گئدرسن وادی شامه
یورولما نهی منکردن یزیدی چاتماسون کامه
قانیمدان نشر اولان قانلو قیامیمده کتابیم وار
..
..
رقیّمدن مواظب اول که غملی ماجراسی وار
ننم زهرا کیمی مظلوم هارا گئتسون هاراسی وار
اونون درگاهی اوتلاندی بونون خیمه سراسی وار
خرابه آسمانینده آخان بیله شهابیم وار
..
..
حسینون آستانینده آغاتدی توکلرین «اخگر»
کرامتلی آقاسیندان نه ملک و جاه و مال ایستر
امیدی وار چخا صاحب قورولسا عرصه ی محشر
بئله عرض ایلیه مولا آغیر جرم و حسابیم وار
..
..
#ورود_کربلا #اخگر_مراغه_ای #ترکی #زبدةالاشعار