شهادت حضرت زهرا علیها سلام
..
..
#سبک_بالام_آغلاما_گلوم_آغلاما …. دولانور علی قزی مقتلی …
..
..
غفاری زنجانی
..
..
یتیشوب اجل گیدورم قوناق
حق ذوالجلاله عم اوغلی جان
باشیم اوسته اگلش ایدوم نظر
او گوزل جماله عم اوغلی جان
..
..
ئورگیمده چوخدی محن داخی
سنه آشکاریدی یا علی
غم و هجر ختم رسولدن
گوزوم اشکباریدی یا علی
ئورگیم قانی گوزومون یاشی
کیمی ایندی جاریدی یا علی
اریدوبدی غصه من اوخشورام
سارالان هلاله عم اوغلی جان
..
..
آی عم اوغلی گیتملی میهمان
ایدوب ایندی عزم وطن گیدور
چوخ اولان زمانه ده غصه سی
محن غمیله ئولن گیدور
پر آچوب قفسده که مرغ روح
ایده سیر و باغ چمن گیدور
تاپا ئوز گلینی جنانیده
یتیشه وصاله عم اوغلی جان
..
..
بابامون عزاسی قوتارمادی
منه امّتى ستم ایلدی
آلوب حقّیم امّت بی وفا
منی غرق بحرغم ایلدی
نه گناهیله او گروه کین
بیله ظلم بلمورم ایلدی
بابامون گوزوندن ایراق دوشوب
بالاسی بو حاله عم اوغلی جان
..
..
ئوز ایویمده قویمادی اهل کین
بو یانقلی سینه می داغلیام
آتام ئولموشیدی عزادوتام
که دویونجا اوخشویوب آغلیام
بو بلالی باشیمه بیر زمان
آتامون قراسینی باغلیام
یانورام بو غصّه ده گوز یاشیم
وری گوزده چاله عم اوغلی جان
..
..
منه گل حلال ایله حقّیوی
سنه جان فدا ئولورم بوگون
بو جهان فانده گورمدی
ئورگیم صفا ئولورم بوگون
منی چرخ کج روش ایلدی
غمه مبتلا ئولورم بوگون
من عزیز عالمیدیم سالوب
محن ملاله عم اوغلی جان
..
آتامون وفالی بلالینه
بویور ای عم اوغلی اذان دیسون
آتامون آدینی دییَن زمان
بودی خواهشیم اوجادان دیسون
ایشدوم اونون گوزل آدینی
او آدا بو فاطمه جان دیسون
ولی زحمت اولماسا سن یتور
بوسوزی بلاله عم اوغلی جان
..
..
گل ایدوم وصیّتمی سنه
داخی زحمت اولماسا ایت عمل
گیجه غسل ویرگیجه دفن ایله
بلوسن بوعرضیمه وارعلل
گیجه قبریم اوسته گلن زمان
ایله سعی قیزلاریمیلا گل
ولی قویما گوز یاشی قیزلاریم
توکه چوخ جماله عم اوغلی جان
..
..
بودی عرضیم اوندا من آغلارام
ای عم اوغلی آغلاسا قیزلاریم
سارالان جمالینه سیل تک
اگر اشگ باغلاسا قیزلاریم
گیجه لر دوروب آنا وای دیسه
داخی سینه داغلاسا قیزلاریم
ویر ئوزون تسلی سن اونلارا
ایلینده ناله عم اوغلی جان
..
..
..
#فاطمیه #غفاری_زنجانی #فاطمیه_شهادت #ترکی #زبدةالاشعار
نظر دهید