شهادتین یولو (1)
.
.
سیدبشیرحسینی میانجی
.
.
بو یول کی قان توکولوبدور شهادتین یولودور
شهادتین یولو حقدور سعادتین یولودور
.
آچیقدی هر گئجه گوندوز شرفلی عشّاقه
یازوبلا قانیله بو یول، شرافتین یولودور
.
ولانین اهلی بلاشک بلادن آیریلماز
بو قانیله بزنن یول ولایتین یولودور
.
سالوبدی حق بو یولو، مستقیم یولدو بو یول
چاتور بهشته چون عشق و ارادتین یولودور
.
نجیب آنا، بالاسین بو یولا مسافر ائدر
بولودلار اوسته گئدن یول نجابتین یولودور
.
کناره‌لرده قیزیل گول‌لره تماشا قیل
عطیرلَنوب صلواتیله جنّتین یولودور
.
کیم ایسته‌سه دیری قالسین گرَک شهید اولسون
کتاب حقده یازیلمیش حقیقتین یولودور
.
شهیده گؤیده ملک‌لرده افتخار ایلر
دییرله بیربیره بو یول محبتین یولودور
.
حرم گؤیرچینی‌یوق اوخلیون قنادیمیزی
حرمده قانه بویانماق کی، خدمتین یولودور
.
نه قورخو واردی نه غم بو طریق غیرتده
بیلرلر آذری‌لر عشق، غیرتین یولودور
.
شهیدلرین آناسی کیمدی؟ حضرت زهرا
حسینه آغلاماق آئینه خصلتین یولودور
.
آلار قوجاقه شهیدی، شهید کرب‌وبلا
سوسوز شهادته چاتماق شهامتین یولدور
.
نصیب اولیدی شهادت بشیره‌ده ای کاش
حق اوسته ئولمک ازلدن سیادتین یولودور
.
.
#شهید #سیدبشیرحسینی #ترکی #زبدةالاشعار
نظر دهید