زبدةالاشعار

بیریسی آغلاسا بیر قطره حضرت حَسَنه #حسنیه_سعدی_زمان

شهادت حضرت امام حسن مجتبی علیه السلام
.
✍️ زبدة الاشعار ✍️
.
?: @nohe_torki
.
مرحوم حسینی سعدی زمان
.
بیریسی آغلاسا بیر قطره حضرت حَسَنه
ویره لّه حشریده هر قطره سینه یوز حَسَنه
.
دوتار بتول عزا بیست و هشتم صفری
فنا جهاندان ایدوب اوغلی آخرت سفری
.
حسن حسینیدن آرتوق گوروبدی جور و ستم
قصوری وار قلمین یازماقا او ظلم لری
.
آلوبلا حقّینی اَلدن ایدوبله خانه نشین
دولوب مصیبت و دردیله قلب منکسری
.
تحمّل ایتماقا ماموریدی دوزِیدی گرک
اودور تحمّلی ایتمیشدی مشرکینی جَری
.
او قلب عالمیدی چون که صبر دریاسی
چکوب مصیبت و محنت تحمّلی قَدَری
.
خطیب لر آتاسین سبّ ایدردی منبرده
موثّقین یازوب بو حدیث معتبری
.
قویوبلار آدینی مومنلری ذلیل ایلین
آچوبلا طعنه دلین اول شهه صحابه لری
.
بو قدر ظلملره اکتفا ایدِیدیله کاش
قویِیدیلر قالا آسوده اول مَلَک سیَری
.
ویروبله بیر نچه دفعه او شاهه زهر جفا
ایدوبله قلب شریفین خدنگ غم سپری
.
سالوبلا روضه ی پیغمبره تاپوبدی شِفا
سونوب عنایت حقّیله دلده کی شرری
.
ایدوب اوز عورتی آخِر او سروری مسموم
ویروبدی حالینه تغییر زهر کین اثری
.
سوروندی گَلدی خانم زینبین باشی اوسته
اویاتدی شیونی اول بخت قاره دربدری
.
اویاندی حضرت علیا مکرّمه زینب
دولاندیراندا گوزین دوشدی قارداشا نظری
.
نه گوردی پارچالانوب لبلری، آخور قانی
اَلی اورکده- رواندور عذاره اشک تری
.
دیدی باجون سنه قربان نه وار بیان ایله
یارالی قلبیوین آرتوب ندن غم و کَدَری
.
جواب ویردی آنام باجی اولموشام مسموم
دایانما ویر آتام اوغلی حسینه بو خبری
.
حسینه دی اُلورم باشیم اوستونه گَلسون
اولوبدی مدّت رنج و مصیبتیم سپری
.
بلا خزینه ی زینب حسینه ویردی خبر
حسین و قاسم عبّاس گَلدی مختصری
.
امام ایستدی بیر تشت حاضر ایلدیلر
نه حاله زهر سالوب گور ولیّ دادگری
.
دوتوب او طشته یوزون مجتبی آلوب نفسین
توکولدی طشته نچه پاره دوغرانان جگری
.
مخدّرات توکوب گوز یاشین نجوم کیمی
ایدوب غروب سپهر امامتین قمری
.
باخاندا طشته آچوب باشینی خانم زینب
دونوبدی غنچه کیمی قانه قلب منزجری
.
باخوبدی طشته ایکی یرده ایلدی ناله
بلا خزانه سینون بو یگانه بیر گهری
.
ازل بو یرده گوروب مجتبی جگرلرینی
ایکیمجی بزم یزیده دوشن زمان گذری
.
گوروب حسین باشینی طشتیده ایدوب شیون
پوزوب او شیونیله حال فرقه ی کفری
.
دایانا بُلمدی چاک ایلدی گریبانین
چخوب اوزیندن او نخل هدایتین ثمری
.
گوروب یزید وورور خیزران حسین باشنا
مخاطب ایتدی او بیرحم توده ی بشری
.
بالالاری باخوری وورما ظالم اَل ساخلا
ووروب حسینیمی آغلاتما بو یتیمه لری
.
دایان حسینی داخی ایتمه بو غمی تحریر
بو محنت آغلادوری قان، امام منتَظَری
.
.
.
#حسنیه_شهادت
#سعدی_زمان
#بیریسی_آغلاسا_بیر_قطره_حضرت_حسنه
#چهارده_معصوم_حسینی ص 60
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  یتوروب وجود حسین سنی ابدی سعادته کربلا #کربلا_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی