بیر امانت که سپرده ایلمیشدون سن منه #فاطمیه_حامد_تبریزی

شهادت حضرت زهرا(س)
.
#زبدةالاشعار
.
: @nohe_torki
.
مرحوم حامد تبریزی
.
بیر امانت که سپرده ایلمیشدون سن منه
یا رسول الله اونی ردّ ایلورم ایندی سنه
.
.
دورۀ عمرون قوتاردی بو بلا گنجینه سی
خسته دی یورقوندی قیل راحت بو زار و بی کسی
اعتذاریم وار ولی وار نچّه یئردن صدمه سی
ایلدی از بس تحمّل ظلم و جور دشمنه
.
.
سن وصیّت ایلمیشدون ، چکمه تیغ شعله بار
قیل تحمّل هر قدر ظلم ائتسه قوم نابکار
بیر یئره ائیش یتدی زهرانون قولون سیندیردیلار
اولمادی بیر گون یته دنیاده زهرا ایمنه
.
.
گیتدی خلق ایچره اولان اول عزّ و شأن و حرمتون
سن ئولن گوندن بلایه توش اولوبدور عترتون
درگه زهرایه اود ووردی وفاسیز امّتون
چرخ دون دور ایلدی هر لحظه کام دشمنه
.
.
منزل بوبکره گیتمیشدی بو زار و خونجگر
ملکینون اسنادین آلمیشدی گلردی دیده تر
نیلیوب ثانی او اثناده اوزوندن آل خبر
قبری اوسته بی سبب آخمور سرشکیم وای منه
.
.
ایندی گوردوم من وئرنده غسلینی رخسارینی
گورممیشدوم نه یوزون بو نوعی نه قوللارینی
نیلگون ایلوبدی سیلی عارض گلفامینی
جاندا جان وار ، وار یئری گلسون عم اوغلون شیونه
.
.
هر ودیعیدی ، بونون مجبوریدیم من ردّینه
سالم عضویله یتورسیدیم دئیردیم جدّینه
خطّ بطلان چکدی اعدا لیک ظلمون حدّینه
مایۀ خجلتدی بو ردّ امکانت چون منه
.
.
#فاطمیه_حامد_تبریزی
#فاطمیه_شهادت
#بیر_امانت_که_سپرده_ایلمیشدون_سن_منه
#ترکی
.
#زبدةالاشعار
.
: @nohe_torki