شهادت حضرت علی (ع)
.
#زبدةالاشعار
.
: @nohe_torki
.
#سبک_امید_و_سقای_حرم_اباالفضل
مشابه
.
مرحوم تائب تبریزی
.
بیر قانلو ال قان توکماقا اوزاندی
مروّتی آتوب انصافی داندى
اندیردی بیر قلج، نماز اوستونده
باش سجده ده على قانه بویاندی
.
.
بیر علی که صیت جهان آپاردی
هر جنگده نام و نشان آپاردی
بولمم نجه یارا ووردی مرادی
محرابده یخلدى قان آپاردی
.
.
تا قان آپاردی میر مؤمنانی
جبریل اودمده ووردی بو ندانی
رکن هدایته شکست یتدی
ئولدوردولر على مرتضانی
.
.
بلبل یانار گُلین سؤلان گونونده
باشینا دولانار همان گونونده
یامان گون گوره نین اولسا آرخاسی
هر آینه گلر یامان گونونده
.
.
علی نین خویش و اقرباسی گلدی
دلینده ناله مجتباسی گلدى
زینب گلنمدی اوتوردی ایوده
عوض حسین کربلاسی گلدی
.
.
محراب بیر بزم مصیبت اولدى
آغلاشدی هامی غرق محنت اولدى
گوز یاشلی مسجده گلنده عباس
مسجد ده واقعاً قیامت اولدی
.
.
بو صحنه نی گورن اورک داغلادی
گوزلر دولوب یوزه قانیاش باغلادی
دولاندیروب گوزون باخوب عین الله
بالالار آغلادی علی آغلادی
.
.
سویلوب اوغول حسن قلبیم قراری
بو حالیله گور شیر کردگاری
باش سجده ده قزلقانه بویاندیم
محرابه قانیم یازدی دین شعاری
.
.
گلدی خزان عمریم بهاری سولدى
نرگس باخیش گوزوم قانیله دولدی
من مسجده چتین گلم نمازه
مسجد ده بو آخر نمازیم او لدى
.
.
گلشن عمریمدن نسیم کسیلدی
یعنی عبادت نفسیم، کسیلدی
مناجاتیم گلدسته ده قوتولدی
قولاقلاردان اذان سسیم کسیلدی
.
.
عاشق باتار قانا پشیمان اولماز
قانی اولار ارزنده ارزان اولماز
ابن ملجم ایله بیر قان توکوبدی
دنیاده بو قانا هرگز قان اولماز
.
.
منشق اولوندی فرق زخمداریم
قان آتدی اولدی تاج افتخاریم
بزم نگاره گیدورم یارالی
باشدا یارا دعوت ایدوب نگاریم
.
.
بیر ایلدیریم بو باشیم اوسته شاخدی
ابر بلا قانلو یاغیش بوراخدی
باشیم قانی سیل تک آخوب یوزومدن
آخدیقجا قان بو گوزلریمده آخدی
.
.
باش سجده ده گرچه قانا بویاندیم
زخم جفانین سوزشیله یاندیم
جانانیله مشغولیدیم اودور من
بو سوزش جانسوزی سهل ساندیم
.
.
سخمیشدی چوخ فشار روزگاریم
قان باغلامیشدی قلب داغداریم
باش یارامدان بو ایسی قان آلیندی
اسکیلدی ناراحت ایدن فشاریم
.
گرچه گل تک دوشوب سارالدیم سولدوم
اما من آخرت شوقیله دولدوم
بیت الحرام اللهینه آند اولسون
رنج و غمیم قورتولدی راحت اولدوم
.
.
تنگ اولدی دنیا منه گوزائویمده
ایشتیدم بعضی آجی سوز ائویمده
بوغازیمدا سوموک گوزیمده خاشاک
قالدیم اییرمی بش ایل اوز ائویمده
.
.
تائب مولا آدین سالما دلیندن
خدمت ایله گلر نقدر الیندن
دنیاده ده عقباده ده مولادی
هاردا یخیلسان او دوتار الیندن
.
.
.
#حیدریه_تائب_تبریزی
#حیدریه_شهادت
#بیر_قانلو_ال_قان_توکماقا_اوزاندی
#ترکی
.
#زبدةالاشعار
.
: @nohe_torki
نظر دهید