زبدةالاشعار

محنتیم یتوب باشه گورسنور منده حال رحلت عم اوغلی جان #فاطمیه_احمدی_جوان

زبانحال حضرت زهراء (س) در بستر بیماری
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن
.
.
حاج محمد احمدی
.
محنتیم یتوب باشه گورسنور منده حال رحلت عم اوغلی جان
فرض دور منه عارضون گورم بو زمان فرقت عم اوغلی جان
.
.
عزم ایدور بو شاهین الفتیم قاف هجریده اعتکاف ایده
اذن ویر نچه لحظه خسته جان کعبۀ وصالون طواف ایده
بو طوافیله رنج و غصّه دن صفحۀ دلی بلکه صاف ایده
فیض بیکرانه یته روان بو زمان رحلت عم اوغلی جان
.
.
ایلدیم دعا ایستدیم ئولوم یوز دوتاندا درگاه رحمته
شاکرم یتوب قرب حقّده ایتدیقیم دعا استجابته
سنده ای مهین قبلۀ وفا گل یتور منی لطف غایته
جان ویرن زماندا جمالوی ایلیوم زیارت عم اوغلی جان
.
.
تا آتام جهاندان گیدن کیمی آچدی اهل کینه جفا الین
منکر فرامین حقّ اولوب تابع هوا اولدی مشرکین
بیعتی بهانه ایدوب دیلر شعله لندروب ظلم آتشین
اود وروبلا درگاهیمه منیم فرقۀ ضلالت عم اوغلی جان
.
.
.
وردیلر کج اندیشلر او گون کفر محض بازارینه رواج
کیمیای ایمانی ساندیلار اهل حقّیله ایتدلر لجاج
غصب ایدوبله حقون جفائیله صبر ایلدون سنده لاعلاج
نیلییدون ایتمشدی صبریوه اقتضا مشیّت عم اوغلی جان
.
.
بچمیومدی خیّاط روزگار بیر کسه منیم تک لباس غم
بیر کسین جوانلقدا من کیمی سرو قامتی اولمیوبدی خم
اولدی هانسی مظلومیه روا بیر بیله بو آفاقیده ستم
بیر نفر منیم تک بو دهریده چکمیوب مصیبت عم اوغلی جان
.
.
خرمن وجوده سالوب شرر سوز محنت و رنج و ابتلا
جسمدن گیدوب طاقت و توان دل اولوب غم و درده آشنا
دردیمین علاجین تاپانمادیم نه طبیب اولدی نه بیر دوا
عاقبت اجل گلدی ایلدی دردیمه طبابت عم اوغلی جان
.
.
یوز ویروبدی از بس غم اوسته غم گوندوزوم گجه م تکه سیاه اولوب
ناله و فغانیم انیس دل مونس جگر اشک و آه اولوب
جانوه قسم جانه دویموشام روزگار عمریم تباه اولوب
حالیمی حکایت ایدر منیم بو خمیده قامت عم اوغلی جان
.
.
اهل کینه بغض نهانینی جور و ظلمیله آشکار ایدوب
خانۀ ثبات و قراریمی دست ظلمیله تار و مار ایدوب
یاندروبلا درگاهیمی منیم هم وجودیمی زخمدار ایدوب
وار هنوز پهلو و سینه ده اثر جراحت عم اوغلی جان
.
.
باخمیوبلا یاسلی عزالیم مانع اولدیلار آغلاماقیمه
اوز ایویمده امکانیم اولمادی آتاما عزا ساخلاماقیمه
اولمشام مقیّد هر آینه ناله می نهان ایله ماقیمه
ناگزیر گوندوزلری چوله ایتمیشم عزیمت عم اوغلی جان
.
.
بیر آغاج حریمنده اگلشوب ایلدیم نوا اودلی سینه دن
قطع اولوب امیدیم کیمی ولی او آغاجدا اکراه و کینه دن
بیله ظلمه اولموبدی معترض بیر نفر بیر اهل مدینه دن
بو وفاسیز امّتدن ایلرم جدّیمه شکایت عم اوغلی جان
.
.
نه روادی بیر گلستان کیمی عمریمون گلی ظلمیله سولا
نه روادی گر جور ثانیدن پرده پرده دل قانیله دولا
حشره دین رضایم اودور که من خلقدن مزاریم نهان اولا
ایتمیه گذر قبریم اوستونه بی وفا جماعت عم اوغلی جان
.
.
هر نفسده ترک ایتماقا منی طایر روانیم ایدر هوس
سعی ایدر خلاص ایلیه اوزین بسکه چوخ چکوب محنت قفس
ای دمی مسیحایه دم ویرن نچّه لحظه اول منله همنفس
وار لزومی اظهار ایدم گرک بیر نچه وصیّت عم اوغلی جان
.
.
دوقّوز ایلدی بو دودمانیده ایلدیم سنیله معاشرت
بو معاشرتله همیشه من ایتمیشم اورکدن مفاخرت
گاه معنوی انکساریله اولسا گر تصوّر مصابرت
بو خصوصیده عفو قیل منی ای شه ولایت عم اوغلی جان
.
.
عالم محبّتده سخت دور بو وصیّت اجراسی گر سنه
ایلرم تمنا ولیکن ایت اوز الونله غسل و کفن منه
دفنیمه گجه قیل مبادرت قوی بو جسم مجروحی مدفنه
حکمتاً بو اهل زمانه دن مدفنیمی گیزلت عم اوغلی جان
.
.
من او باغبانم نچه گلوم بو زمانه ده قالدی یادگار
وئرمشم نه نوعیله پرورش سن بولورسن ای شاه تاجدار
راضی اولمارام بیر دقیقه ای اونلارا یتشسون جفای خار
باغبان گیدور گُللرون سنه تاپشورور امانت عم اوغلی جان
.
.
جان قویوب نه مدّتدی اولموشام باغبان ایکی بو قزل گُله
جور ظلم خاره دایانموشام تا بو گُللریم گُل کیمی گُله
کیم اولار اوزوم تک عم اوغلی جان بو ایکی گُلون قدرینی بُوله
کیم بولر نجه من بو گللره ویرمیشم طراوت عم اوغلی جان
.
.
ای شهنشه کل ماسوا شیر لم یزل مرتضی علی
ای اولان جبینینده مهر تک جلوۀ رخ یار منجلی
عمر «احمدی» قورتولور شها قبر پاکیوه یتمدی الی
کامینه یتر آستانوی ایلسه زیارت عم اوغلی جان
.
#فاطمیه_احمدی_جوان
#فاطمیه_شهادت
#محنتیم_یتوب_باشه_گورسنور_منده_حال_رحلت_عم_اوغلی_جان
#ترکی
.
✍️ #زبدةالاشعار ✍️
.
🆔: @nohe_torki
.

متن پیشنهادی:  همدم اولوبدی محنت و درد و بلا منه #حضرت_معصومه_هدایت_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی