تاریخی مسخر ائلیوب قانی حسینون #اکبریه_اخگر_مراغه_ای

شهادت حضرت علی اکبر (ع)
..
..
اخگر مراغه ای
..
..
تاریخی مسخّر ائلیوب قانی حسینون
ثبت اولدی کتاب دیله عنوانی حسینون
..
هر کس ادبی قدر آلار دردینه چاره
گسترده عوالمده کرم خوانی حسینون
..
دولتلی کاسب پیر و جوان لطفینه محتاج
دائم آچیلوب سفره احسانی حسینون
..
هر درد مریضه قالا دکترلری عاجز
داروی شفا بخشیدی درمانی حسینون
..
اما اوزینون دردینه بیر اولمادی درمان
اخیامه گلن وقتیده قربانی حسینون
..
اکبر چابالوردی یارالی گوز قاباقندا
پرپر توکولوب لالۀ نعمانی حسینون
..
باش یاره سینون قانی دولوب گؤزلر آچیلمور
بازاره گلوب یوسف کنعانی حسینون
..
اکبر نئجه اکبر بوئی بیر سرو دل آرا
یرده یخیلوب سرو گلستانی حسینون
..
ای دشت بلاده آتیلان زهرلی اوخلار
قانه بویانور سوگلی جیرانی حسینون
..
هردن دگوری بیر بیرینه قانلی دوداقلار
دوغرانموشدی لعل بدخشانی حسینون
..
دشمن بئله فرض ائتدی علی اکبر ئولنده
گورسه ایاق اوسته چخاجاق جانی حسینون
..
مین تیغیله دوغرانسا علی اکبری خوشدور
بیر خط یمیه صفحۀ قرآنی حسینون
..
قان پرده چکوب حایل اولوب ماه جماله
مکسوب دوشوب بدر درخشانی حسینون
..
ای گل سنی پرپر ائلین ال شل اولیدی
قانه بویاناندا گل خندانی حسینون
..
قوی قانلو نفس پارچالانان سینه ده باتسون
اجرا اولونا عشقیله فرمانی حسینون
..
خاموش ائله دی شمع حیاتین قره یللر
غمخانه اولوب غملی دی سامانی حسینون
..
اخگرده غزال غزلین مدحینی یازدی
مشگیله معطر اولا دیوانی حسینون
..
..
#اکبریه #اخگر_مراغه_ای #اکبریه_شهادت #ترکی #زبدةالاشعار