زبانحال حضرت امیرالمومنین (ع) در لحظات وداع با حضرت زبنب (س)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم قدرت اله نادری میانجی
.
تار اولوب اگر شمس و الضحا
واردی ماهلن کوکب آغلاما
گر ئولور علی ساقدی مجتبا
آغلاما قزیم زینب آغلاما
.
.
.
آغلاسون اگر آغلیار حسن
صبر ایله قزیم سالما شور و شین
واردی چوخ سنون نازیوی چکن
یدی قارداشون شاقدی نور عین
دورگلن منه بیچگیلن کفن
ئولمیوب هله قارداشون حسین
آغلادار سنی دشت کربلا
آغلاما قزیم زینب آغلاما
.
.
.
صبر قیل قزیم گر چه بوردا من
دوشموشم بئله محنت و غمه
آغلاسوندا گر اوندا آغلاسن
سرنگون اولان قانلی پرچمه
قارداشون ابوالفضل بی وطن
سر و دوشر نهر علقمه
سسله هارداسان صاحب لوا
آغلاما قزیم زینب آغلاما
.
.
.
حقلی سن اگر ناله ائتمه گه
جان وئرور یارالی غریب امام
عادت ائت بلا جوری چکمگه
دردو محنتون اولمیوب تمام
حاضر اولگلان شامه گئتمگه
آغلا شامیده ای اسیر شام
قمچیلر وورار شمر بی حیا
آغلاما قزیم زینب آغلاما
.
.
.
باشیمی دیزون اوسته آل بالا
باغلا باشیمی یاره دور باشیم
یادیمه دوشور دشت کربلا
قان اولور منیم گوزده گوز یاشیم
ناقیه مینن وقته ائت صدا
مشکی اوخلانان تشنه قارداشیم
گلگیلن منی شامه سال یولا
آغلاما قزیم زینب آغلاما
.
.
.
رسمدور آناسی ئولن صورا
قیز آناسینا یادگار اولار
صبر قیل بالا سینه داغلاما
قبرده آنان داغدار اولار
باش آچوب باشی اوسته آغلاما
روح فاطمه بیقرار اولار
ناگران قالار خیرةالنسا
آغلاما قزیم زینب آغلاما
.
.
.
بیچ کفن منه عادت ائتگیلن
ای کفن بیچن نوحه خوانلارا
کربلا دیارینده گئتگیلن
درس وئرگیلن نوحه خوانلارا
خیمه لر یانان وقته گورگلن
یاور اول قزیم باغریقانلارا
قویما اودلارا عابدیم یانا
آغلاما قزیم زینب آغلاما
.
.
.
قلبیمی دوتوبدور سپاه غم
حالیمی ائدیر کربلا کدر
نیلر اوندا بس شاه غم حشم
اوخلارا ال اوستونده سود امر
سسله نر باجی من گلنمرم
گئت ربابی سن ایله باخبر
گورسون اوغلونی غرق اولوب قانا
آغلاما قزیم زینب آغلاما
.
.
.
آغلا اوندا ای دربدر قزیم
گلشن وفا ظلملن سولار
آغلا اوندا ای خونجگر قزیم
قارداشون ئولر بیدقی یاتار
آغلا اوندا ای دیده تر قزیم
محمله سنی شمر ائدر سوار
سسله یا علی وا محمدا
آغلاما قزیم زینب آغلاما
.
.
.
« #نادری» دوشوب بیر تلاطمه
وقت اولوب گنه گوگلر آغلاسون
وئر بو مطلبه بوردا خاتمه
آز قالوب قلم دفتر آغلاسون
مجلسه گلوب ایندی فاطمه
باشدا کی قرا معجر آغلاسون
یوخ مصیبته حد و انتها
آغلاما قزیم زینب آغلاما
.
.
.
.
#حیدریه_شهادت
#تار_اولوب_اگر_شمس_و_الضحا
#ترکی
.
✍️ #زبدةالاشعار ✍️
.
🆔: @nohe_torki
نظر دهید