تاپدی زینب تشنه لب قربانی قرخ گوندن سورا #اربعین_مهدی_نجفلو

اربعین
..
..
..
مهدی نجفلو
..
..
..
تاپدی زینب تشنه لب قربانی قرخ گوندن سورا
دیندیریبدور اول شه عطشانی قرخ گوندن سورا
..
..
..
آچ گوزون قارداش فراقونده پریشان زینبم
عترت اطهاره چوللرده نگهبان زینبم
ظلم الینده قرخ گجه گوندوزدی نالان زینبم
پیشواز ائت خواهر نالانی قرخ گوندن سورا
..
..
..
زینبون الان گوزی قارداش بیلورسن سنده دی
میهمانه پیشواز اولسا اگر زیبنده دی
زینبون قارداش رقیوندن ساری شرمنده دی
شامیده قویدوم کچیک قربانی قرخ گوندن سورا
..
..
..
اکبری الدن گئدن لیلانی گتدیم یاحسین
هم رباب غمکش و نالانی گتدیم یاحسین
کاروان عترت طاهانی گتدیم یا حسین
باشه ویردیم عهدیله پیمانی قرخ گوندن سورا
..
..
..
ایسته یم تزویر الینده آرمانین باتماسین
چوخ چالیشدیم انقلاب جاودانین باتماسین
انقلاب دیگر ائتدیم بلکه قانین باتماسین
شامه ویردیم پرچم قرآنی قرخ گوندن سورا
..
..
..
یاره لندیم یاره لی افکاره درمان ائیله دیم
منطق و علمیله هر نطقیمده طوفان ائیله دیم
تا قیامت کاخ استبدادی ویران ائیله دیم
زنده ائتدیم هر اؤلن ویجدانی قرخ گوندن سورا
..
..
..
هاردا ظلم اولسا آییخ ویجدانلاری حتما سیخار
ظلم ایوین شیعه حسینین آرمانیلن ییخار
حق یولوندا داشلانان قانلار مگر یاددان چیخار؟
قان دوتار هر ناخلف انسانی قرخ گوندن سورا!
..
..
..
ای (#نجفلو) راه سلطان شهیدان زنده دی
تا حسینین آدی واردی دین و قرآن زنده دی
مکتب سر خ شهادت واردی انسان زنده دی
سیندیرانماز اهل دین پیمانی قرخ گوندن سورا
.
.
#اربعین #مهدی_نجفلو
#تاپدی_زینب_تشنه_لب_قربانی_قرخ_گوندن_سورا
#ترکی
#زبدةالاشعار