تا بوروب آشفته زلفون باشدا چون تاج ایلدی #مهدیه

یا مهدی
.
✍️ زبدة الاشعار ✍️
.
🆔: @nohe_torki
.
فانی تبریزی
.
تا بوروب آشفته زلفون باشدا چون تاج ایلدی
عقل و هوش و منطق و ایمانی تاراج ایلدی
.
« قاب قوسین » آیه سین تا شرح ائده عُشّاقه پیر
قاشلاریندان مشق آلیب تفسیر معراج ایلدی
.
نرگس مستیله باخدی اُول نگارِ می پرست
بو دلِ دیوانمی عرفانه محتاج ایلدی
.
گؤردی تا ملک محبّت شوکتون سلطانِ عشق
کون و امکان مُلکونی بِالمَرّه حَرّاج ایلدی
.
کعبۀ چاه زنخدانین گؤرن گؤندن کؤنول
ترک طُوفِ کعبه و هم ترکِ حجّاج ایلدی
.
من اَنَاالحق سرّینی بولمزدیم اوّلدن، منی
رازِ عشقه آشنا منصور حلّاج ایلدی
.
وصلدن یوخ بیر خبر! یارب گورورسن دلبریم
اشک چشمی فرقتونده بحر موّاج ایلدی
.
چوخ اوتوزدوم “فانیا” لیکن منی ثابت قدم
بو قمار عشقده رفتار لیلاج ایلدی
.
.
.
#مهدیه
#تا_بوروب_آشفته_زلفون_باشدا_چون_تاج_ایلدی
#فانی_تبریزی
#ترکی
.
✍️ #زبدةالاشعار ✍️
.
🆔: @nohe_torki