زبدةالاشعار

تا خاک لحد بستر وجه الحسن اولدی #حسنیه_ذهنی_زاده

شهادت حضرت امام حسن (ع)
.
✍️ زبدة الاشعار ✍️
.
🆔: @nohe_torki
.
مرحوم حاج عبدالعظیم ذهنی زاده
.
تا خاک لحد بستر وجه الحسن اولدی
دنیاده حسینون سوزی ای وای حسن اولدی
.
.
غم ایلدی من غم زده نی چاک گریبان
عمریمجه سنه آغلارام عمروم سنه قربان
.
.
تپراقلارا چکدون یوزون ای ماه درخشان
قویدون منی ظلمات مصائبده پریشان
غم اوخلاری سنسیز ایلدی قلبیمی شانشان
بیر سینه ده یوز مین لریله غم اوخی قارداش
بیر جمله ده مین باب مصیبت اوخی قارداش
.
.
بیر عمر غریب وطن اولدوخ ایکیمیزده
هر درد و بلایه دؤزَن اولدوخ ایکیمیزده
هر غمده شریک محن اولدوخ ایکیمیزده
آخرده اجل گلدی الیمدن سنی آلدی
دنیاده هامی درد و بلا تک منه قالدی
.
.
سن قبریده یات راحت و آسوده برادر
قوی قارداشوی دهرده یالقوزلیه غملر
من ایلمیشم مکتب غم درسینی ازبر
همدم منه جز درد و بلا و محن اولماز
من تک هامی دنیاده مصیبت چَکَن اولماز
.
.
دنیا دیولَن اهل دله بیت الحَزن دی
خاصّه بو مدینه منه بیر شهر مُحن دی
اما گنه هر طور اولا آخرده وطندی
سنسیز منی قویمازلا قالام اوز وطنیمده
عطرون باری قبروندن آلام اوز وطنیمده
.
.
دنیانی گوروم گلشنینون گوللری سولسون
هر غنچه سینون باغری قزل قانیله دولسون
سن اول آنام اولسون بابامیز روضه سی اولسون
قوی قارداشون آواره قالوب چوللره دوشسون
نیسگیلری ائللر آراسی دللره دوشسون
.
.
گِتسَم منی گر ایستسه گوگلون سنه قربان
گل کرب و بلا دشتینه بیر گون منه مهمان
گورسن یارالی تشنه قوم اوسته ویرورم جان
ممکن اولا بیر جرعه گتور سو منه قارداش
سو ایچماقون اولماز او زمان غم سنه قارداش
.
.
غم چکمه که بیر گون اولی قدرون بولن اولماز
آیلار دولانار قبریوه کیمسه گلن اولماز
قبرون توزونی تپراقینی بیر سیلن اولماز
گیتسم قیدوب قبریوه گلَّم وطنیمده
بو شرطیله قارداش قالا باشیم بدنیمده
.
.
سندن اُوزولونجه اَلیم ای روح و روانیم
عمرومدن اوزِیدی اَلیمی غصّه لی جانیم
سنسیزهامی دنیاده منیم نام و نشانیم
بیر پیکر صد چاک اولی بیر قانلی بیابان
صد برگ قزل گول دیه سن گلشنه خندان
.
.
توپراق سنه بستردی سبب نسگله قارداش
باش قویسام اگر بستره ایله گله قارداش
بستر نیه لازمدی نه گلمیش کوله قارداش
بو سوز یرینی بیر گون آلار یانیمه گلسن
سرّین بوله سن شام غریبانیمه گلسن
.
.
هر ظلم که ایلوب سنه بی شرم جماعت
وار فاجعه لردن منه اونلاردادن اشارت
گر ایلدی بو قوم سراپرده وی غارت
سوز منده خبر مند دی غارت اودا منده
اهلیله سراپرده چکلسون اودا منده
.
عاشورده کیم باشه یتر امر شهادت
باشلار قوپا هنگامۀ اوضاع قیامت
بیر غارت اولار کرب وبلاده نجه غارت
منظور ایلمز عاطفه نی لشگر کینه
ماتمکدۀ عشقه چکر آتش کینه
.
.
بیر نوع اولی غارت زده اولاد پیمبر
حاشا او شقاوتله سویا مسلمی کافر
نه سِتر و نه خلخال نه عقد و زر و زیور
الدن گئدر انگشت بیر انگشتره خاطر
باشلار آچیلار سوخته بیر معجره خاطر
.
.
چوخلار اولوب عالمده مصیبت زده قارداش
چوخلار اولاجاق دهرده ماتم زده قارداش
چوخ گلشن اولار گوللری آفت زده قارداش
هئچ گلشنین عالمده گولی سن کیمی سولماز
دنیا دولانی سن کیمی ماتم زده اولماز
.
.
یتمش اوخا تابوت شریفون هدف اولدی
بو فاجعه هر حیثده جای اسف اولدی
بیر آتیه تهدیدی منه ماسَلَف اولدی
بولَّم که او تهدید ده اعلام خطر وار
قان قان دین اوخلاردا کمانلاردا نَلَر وار
.
.
سندیرماسالار قدّیمی سنماز او کمانلار
سنماز کمریم باتماسا قانه بو جوانلار
باتماز بو جوانلار قانا گر آخماسا قانلار
بیر گون آخا قانلار باتا یر گوی یوزی قانه
اوندا بو جوانلار بویانار قرمزی قانه
.
.
بیر اولدوزودون چرخ امامتده که آخدون
آخدون قالان اولدوزلاری غم اوخلارا یاخدون
سن گوزلر آخاندا منه حسرتله که باخدون
بولدوم اورگونده نه سوزون وار او باخیشدا
محنت لره صبریمده گوزون واراو باخیشدا
.
.
دنیا دیولن عالم و اندوه و اَلَمدی
ازّلدن اونون آب و گلی مایۀ غمدی
ابقاسی فنا مهری جفا رحمی ستمدی
گور مهر جفا اولسا جفاسینده نَلَر وار
ابقاسی فنا اولسا فناسینده نلر وار
.
.
دشمندی بو دنیای دنی اهل کماله
اورداندی دوشر فضل و کمال اهلی ملاله
هر گونده سالار گویده گونی حال زواله
باخماز او گون آردینجا نه گوزلر نگراندی
بولمز نگران گوزلره نولموش دولی قاندی
.
.
اگلشسه اگر زاغ وزغن سینۀ گولده
خون دل بلبل گورَر آئینۀ گولده
هر گوهر شهوار اولا گنجینۀ گولده
یا اشک تر دیدۀ بلبلدی گول اوسته
یا قطره به قطره عرق گولدی گول اوسته
.
.
اودلار یارادوب آتش بیداد امیّه
دنیانی یاخوب اودلارا اَحفاد امیّه
خوش گوردی بنی هاشمه اولاد امیّه
بیر اودلی یانار سینه ده مین نالۀ جانکاه
بیر نالۀ شبگیرده بیر آه سحرگاه
.
.
#حسنیه_شهادت
#تا_خاک_لحد_بستر_وجه_الحسن_اولدی
#ذهنی_زاده
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دینیمیزاحمدیدی، مکتبیمیز حیدریدی #صادقیه_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی