زبانحال حضرت زینب (س) در اربعین
.
✍️ زبدة الاشعار ✍️
.
🆔: @nohe_torki
.
طائر اورنگی
.
.
تا قدم قویدی بلا دشتینه دخت مرتضی
سویلدی قارداش حسین جانیم سنه اولسون فدا
.
تیر آهیم فرقتینده زینبین قلبین دلیب
گوزلری یاشلی نواخوان قبروین اوسته گلیب
.
جبریله اولدی باجون بیر اربعین سندن جدا
بیر اوزوم بیلدیم نه چکدیم بیرده درک ائتدی خدا
.
کربلادن شامه قرخ منزل سنه دل داغلادیم
باشون اردینجا گئدیب منزل به منزل آغلادیم
.
نیزده وئردی نشان راه الی اللهی باشون
خجلته سالدی سماده شمسیله ماهی باشون
.
سویله منسیز سن نئجه توپراقلار آتدا یاتمیسان
سویله گوزدن نازنین اهل و عیالون آتمیسان
.
قبریوی قارداش قازیب کیم ایلدی غسل و کفن
غسل اولونمازدی اوگون کی گوردوغوم قانلی بدن
.
سویله قارداش جسمیوه ملحق اولوندی اللرین
بی حیا بجدل کسن بارماخ و یا جام سرین
.
جسمیوی گوردوم گئدنده شامه دلدن آغلادیم
هریاران تا دوشدی یاده یولدا سینه داغلادیم
.
واردی بیر نیسگیل حسین هرنیسگیلیندن باشیدی
قتلگاهون ظلمیله گوردوم سراسر داشیدی
.
وئرمیسن پایین پاده اکبره قارداش مکان
سینه وین اوستونده یاتمیش اصغر شیرین زبان
.
اکبره سویله گلوب لیلا دوروب وئرسین اذان
سینه نن اوسته اصغرین حالین ربابه ائت بیان
.
اصغرین دردی ائدردی قلب دنیانی کباب
هرگئجه گهواریه باخدوخجا آغلاردی رباب
.
قاسم داماده ده عمه ن گلوب دیداریوه
نو عروسین قبرین اوسته دور سلام ائت یاریوه
.
کوه غیرت اشجع الناسه خبر وئر گلمیشم
نهر علقم اوسته عباسه خبر وئر گلمیشم
.
قارداشیم عباسه ده یورقون گلیب زینب باجون
هم ئوزون گل پیشوازه هم گتیر قارداشلارون
.
بوینوما سال قولارین ای سرو قامت قارداشیم
دور عیان ایله بو چولده بیر قیامت قارداشیم
.
زینبون سنسیز چکوب درد و بلا شاماتیده
سالمیشام باشه حسین آیری قرا شاماتیده
.
ایتدیلر ویرانسرانی خیرداجا قیزلار مکان
بالش اولدی خاک تیره اهل بیته الامان
.
قیزلارون اولدوز کیمین ویرانسراده باتدیلار
چوخلاری بند اسارته گئجه آج یاتدیلار
.
گوندوزی گون ایستی سی اخشاملار اسدی باد سرد
گوللرین گل صورتی تغییر تاپدی اولدی زرد
.
بیرگئجه اوج سمایه قوزانوب شور و نوا
اهل بیتون کنج ویرانه ده دوتموشدی عزا
.
بیر قیزین نار فراق و هجریوه تاب ائتمدی
هرنه چکدیم نازینی آرام اولوب خواب ائتمدی
.
اکبرین فکرین باشیندان هرنه ائتدیم آتمادی
اکبر اکبر سسلدی قرداش بیر آنی یاتمادی
.
الغرض دق مرگ اولوب جور فلک ائتدی هلاک
ایلدیم گنجینه مهری ئوزوم مشرف به خاک
.
ایستیرم بیر سوز دیم یاده دوشه ظهر بلا
سن خجالت اولماقا اولموب باجون اصلا رضا
.
اونداکی اوغلانلاریم ظلمیله اولموشدی شهید
هم اولار تاپدی سعادت هم من اولدوم رو سفید
.
تا گتوردین خیمه گاهه خیمه دن من چخمادیم
قلبیوی آه شررباریمله هرگز یخمادیم
.
اولمادیم راضی گورم خجلت زده اوندا سنی
گلمیوب نازلی قیزین سنده خجل ایتمه منی
.
(طائرا) درد خجالت هرکیم اولسا اولدورر
بو آغیر دردی ابوالفضل علی یاخجی بولر
.
#اربعین
#تا_قدم_قویدی_بلا_دشتینه_دخت_مرتضی
#طائر_اورنگی
#ترکی
.
✍️ #زبدةالاشعار ✍️
.
🆔: @nohe_torki
نظر دهید