زبدةالاشعار

ترک ائلمه حجازی سن ، گلمه عراقه یاحسین #مسلمیه_فقیر_خویی

زبانحال حضرت مسلم ابن عقیل علیه السلام
.
✍️ زبدة الاشعار ✍️

?: @nohe_torki
.
فقیر خویی
.
ترک ائلمه حجازی سن ، گلمه عراقه یاحسین
کوفه لیلر قلیج چکیر ، بوردا قوناقه یاحسین
.
.
کوفه نی بوشلا هر هارا ، گویلون عم اوغلی اولسا گئت
گلمه اماندی یابن عم ، گلمه عراقه یاحسین
.
.
سوز وئروب اَر چه کوفیان اونلارا اعتباری یوخ
هئچ بیرینین صداقتی فاطمه جانی یوخدی یوخ
خامه لری دونوب اولوب خنجر سمّی اوچ پر اوخ
قتلیوه کوفیان ائدوب بوردا قیام عم اوغلی جان
گلمه بو شهره گلمه،گئت گیتسن هارا عم اوغلی جان
.
.
دوره می آلدولار ازل پیر و جوان بو شهرده
گلمه عم اوغلی جان،منه اولدی اولان بو شهریده
ایلوب احاطه دوره می تیر و کمان بو شهریده
گلمه قیلن بو کوفیه،لطف و ضیافت ایتدولر
گلدی آرایه سیم و زر ظلم و خیانت ایتدولر
.
.
شیریوی یابن مرتضی بوردا کمنده سالدولار
تکلیوب اشقیا منی،دوره می صف صف آلدولار
سجده ده شاه خیبره ضربه وراندولار بولار
گلمه عم اوغلی کوفیه،گلمه آماندی یاحسین
نامه یازانلارون باشی شمر و سناندی یاحسین
.
.
پوزدی منیم اگر فلک بیرگجه ده اساسیمی
گلمه بوشهره،ساخلیون اوز وطنیمده یاسیمی
حیفدی قویمایون گله اکبریمله قاسمی
کوفه گرچه مسلمون قانه بویاندی یاحسین
قاسم و اکبرین هله تازه جواندی یاحسین
.
.
کرببلاده کوفیان گوندوزی شامه دونده رر
اؤلدورر اکبری،باشین ابن زیاده گونده رر
ظلمیله گولستانیوین خرداجا گوللرین ده رر
زینبی اؤلدورر بو غم گلمه عراقه یاحسین
اونداکی خیزران دگر قانلی دوداقه یاحسین
.
.
منده قسم وئروم سنی نهضتیزون سفیرینه
آل عبانین ای شها،شیر و مه منیرینه
لطف ائله بیر گوز آلتی باخ درگهیزون «فقیرینه»
قلبی سینوب ولی شها،قلبِ زمانه دگمویوب
عشقیله سوز یازوب سیزه سیم و زره باش اگمویوب
.
.
#سبک_ای_حرمینه_ناز_ائدن (4 سبک)

متن پیشنهادی:  یتیشدی نوبت رحلت جناب زهرایه #فاطمیه_اقبالی_زنجانی

.
#مسلمیه
#ترک_ائلمه_حجازی_سن_گلمه_عراقه_یا_حسین
#فقیر_خویی
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی