ترک ایلدی الهی کرب و بلانی زینب #کوچ_کربلا_ولایی_زنجانی

کوچ از کربلا
.
#زبدةالاشعار
.
: @nohe_torki
.
سید ناصر ولائی زنجانی
.
ترک ایلدی الهی کرب و بلانی زینب
واردی گوزونده قان اش دلده فغانی زینب
.
.
مرکب سینیق کجاوه باغلی قولی حرم لر
شمریله زجر الیندن اوجه چاتیپ ستملر
یوخ دادرس الهی آرتیپ اورکده غملر
یارب قالیپ کمکسیز غملر نشانی زینب
.
.
کرب و بلا چولونده قالمیش بدنلر عریان
جسم حسین کفن سیز ایلیر حرملر افغان
کرب و بلا دیاری قاندان اولوبدی الوان
وار حقّی عرشه چاتسین آه و فغانی زینب
.
.
آز قالدی جانی چیخسین غمدن امام سجاد
ایستیردی روحی اولسون تبدار تندن آزاد
وقتی گوروب بو حالی زینب بویوردی ای داد
اولسون امامه قربان غمدیده جانی زینب
.
.
قارداش بالاسی صبر ائت ائتمه اوزون مکدر
گر سن بو حاله قالسان اصغر آناسی نیلر
عصرین امامی سن سن گوزلر یولووی گوزلر
هئچ ایستمز بیلورسن سن سیز جهانی زینب
.
.
وئردی جوابین اول دم عصرین امامی گریان
عمّه بو قوم کافر بیلمیر بیزی مسلمان
باخ گور آتام حسینین جسمی قالیبدی عریان
اوچ گوندی کی گچیبدی دفنین زمانی زینب
.
.
یکسر حرملر آغلیر ناله دونوب فغانه
ساکت ائدیر اولاری زجر الده تازیانه
یوخ زینبون علاجی باغری دونوبدی قانه
ترک ائیلیه ن زماندا غملی مکانی زینب
.
.
#کوچ_کربلا_ولایی_زنجانی
#ترک_ایلدی_الهی_کرب_و_بلانی_زینب
#ترکی
.
#زبدةالاشعار
.
: @nohe_torki