وداع امام حسین (ع)
سوال و جواب
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
#سبک_نوایی_نوایی
.
//حضرت_زینب//
ایندی که گئدورسن میدانه حسینیم
زینب نئجه دؤزسون هجرانه حسینیم
چون وعده وئروبسن جانانه حسینیم
گیت عهده وفا قیل مردانه حسینیم
سیر ائتمگه سن گئت رضوانه حسینیم
دنیا منه اولسون غمخانه حسینیم
.
.
میدان بلاده لشگر سنی گوزلر
جنّتده حسین جان اکبر سنی گوزلر
عبّاس هنرور جعفر سنی گوزلر
زهرا قوجاقیندا اصغر سنی گوزلر
گیت نوش ایله آب کوثر سنی گوزلر
دنیا منه اولسون غمخانه حسینیم
.
.
اما غم و درد و افغان منی گوزلر
اطفال پریشان نالان منی گوزلر
هم خیمه ی تالان سوزان منی گوزلر
زنجیر و طناب عدوان منی گوزلر
شام ایچره مکان ویران منی گوزلر
دنیا منه اولسون غمخانه حسینیم
.
.
//امام_حسین//
هر یانه دولانسون باشیم سنیلن وار
سن ناقه ده باجی من نیزه ده سیّار
همراهون حرملر یولداشون اوشاقلار
هر کیم سنی گورسه احوالیوه آغلار
قلییم یانور آخر چوخ ایلمه تکرار
دنیا منه اولسون غمخانه حسینیم
.
.
//حضرت_زینب//
سن آغلاما قارداش باجون سنه قربان
غم غصه منیم دور قوی من ائدوم افغان
بو قومیله ائتسون الله اوزی دیوان
گل قارداش اؤپوم من عطشان دوداقوندان
اولدی داخی معلوم آز قالمیش حسین جان
دنیا منه اولسون غمخانه حسینیم
.
.
واقف سن اوزون که سندن صورا قارداش
زینب گئده جکدور هاردان هارا قارداش
قلبیمه وورالّار هرگون یارا قارداش
من آهه نشانم سن اوخلارا قارداش
ویرانه ده یأنّام من أودلارا قارداش
دنیا منه اولسون غمخانه حسینیم
.
.
هر قدر که گورسم من سخت مصیبت
صبر أیلرم آخر یوخ منده شکایت
أولما نگران گئت تاپ فیض شهادت
وئر قانیویلن سن دین حقه زینت
رغبتله واریمدور بو أمره اطاعت
دنیا منه اولسون غمخانه حسینیم
.
.
.
#وداع_یحیوی_اردبیلی
#حسینیه_وداع
#ایندی_که_گئدورسن_میدانه_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید