ترک ایلینده عترت طاها خرابه نی #آذرین_خلخال

کوچ از شام
.
زبدة الاشعار
.
: @nohe_torki
.
ودود آذرین خلخال
.
ترک ایلینده عترت طاها خرابه نی
غمخانه ایتدی زینب کبری خرابه نی
.
.
بلبللرین نوالری آفاقی داغلادی
قیزلاردوباره قاره سینی باشه باغلادی
آل اللهین بوحالینه داغ داشلار آغلادی
یابن الحسن گل ایله تماشا خرابه نی
.
.
زندانیان غمزده زندانیدن چخور
غربت اسیری نون اورگین غصه لرسیخور
قیزلار رقیه قبرینه بیربیر اوزون یخور
دور ترک ایدور بوجمع غم افزا خرابه نی
.
.
گلدی ازل وداع ایده زینب رقیه دن
هیچ دویمادی بوغصه لی کوکب رقیه دن
شرمنده اولدی عمه سی یارب رقیه دن
غمخانه ایتدی دخترزهرا خرابه نی
.
.
سسلور اوقاره گوزلره قربان رقیه جان
سیلی دیوب اولوبدی گوزون قان رقیه جان
زجرین الینده مظلوم اولن جان رقیه جان
آبادایدر کرامتون اما خرابه نی
.
.
لایلای بهارعمری ستمله خزان بالا
لایلای آتا باشین آغوشینه آلان بالا
لایلای اوزعمه سی قبرین قازان بالا
ایتدون مثلده عرش معلا خرابه نی
.
.
تزتز سنون مزاروه درمانده لرگلر
درد اهلی صورته اشکین الرگلر
هرکس بوقبری دردینه درمان بیلرگلر
ایتدون کنشت ودیریدن اولی خرابه نی
.
.
ایتدون نه نوعی شامیده طوفان گوزل بالا
ایتدون یزیدکاخینی لرزان گوزل بالا
دیل یاره سی ایدوب اورگون قان گوزل بالا
ایتدون مقام آدم و حوا خرابه نی
.
.
#کوچ_شام
#ترک_ایلینده_عترت_طاها_خرابه_نی
#آذرین_خلخال
#ترکی
.
#زبدةالاشعار
.
: @nohe_torki