در مقام معلم
.
✍️ زبدة الاشعار ✍️
.
🆔: @nohe_torki
.
اکبر ستاری (قیزیل قلم)
.
سنه منتدارام حیاتیم بویو
آی منیم مهربان نازمعلمیم
تنبل شاگردینم بیرده ازلدن
منه الفبانی یاز معلمیم
آی منیم مهربان نازمعلمیم
.
.
ایشیقلی چراغ سان ظلمت جانلارا
گؤزل باغبانسان گولوستانلارا
زینتسن زیورسن دبستانلارا
جهلین ریشه سینی قازمعلمیم
آی منیم مهربان ناز معلمیم
.
.
صبریلن دؤزورسن هرچتینلیگه
قویمورسان یاراناشرچتینلیگه
اله گلر والله زر چتینلیگه
داریخما آیلیغی آز معلمیم!
آی منیم مهربان ناز معلمیم
.
.
معلم اؤپورم گول اللریندن
منه اورگَدیب سن دیل اللریندن
کلاس دا گَچ لری سیل اللریندن
اوره گی دنیزتک باز معلمیم
آی منیم مهربان ناز معلمیم
.
.
گؤزل سسین الهی نغمه سی دیر
دانیشیغین ملکلرین سسی دیر
کلاسین جنّتین بیرگوشه سی دیر
قیشی دؤندراولسون یازمعلمیم
آی منیم مهربان ناز معلمیم
.
.
شمع تک اَری دین عشق ده یاندین
هربیرطلبه نی اؤز بالان ساندین
ئوزونو اؤیمه دین بلکه اوتاندین
هئچ اولمادی کئفین سازمعلمیم
آی منیم مهربان ناز معلمیم
.
.
عاجز طلبه نم «قیزیل قلمم»
سنین قوللوغوندا علم دن کمم
یولونو ایزلَه یَن سنله همدمم
آچانمادیم قالدی راز معلمیم
آی منیم مهربان ناز معلمیم
.
.
#سنه_منتدارام_حیاتیم_بویو
#ترکی
.
✍️ #زبدةالاشعار ✍️
.
🆔: @nohe_torki
نظر دهید