تشنه‌دور آل حیدر ای رشید عمو ثواب ائت #فرات_حقیر_خویی

اظهار عطش حضرت سکینه(س)به عمویش
.
#زبدةالاشعار
.
: @nohe_torki
.
مرحوم میرزا عبدالوهاب حقیر خویی
.
تشنه‌دور آل حیدر ای رشید عمو ثواب ائت
یانور بو تشنه لبلر ای رشید عمو ثواب ائت
.
.
اوجالور خیمه لردن گوگه العطش صداسی
وئر اوپوم او اللروندن من بو اللرون فداسی
مگر بوچولده جاندور بیر ایچیم سویون بهاسی
کی جان وئرور سوسوزدان شیرخوار علی اصغر
.
.
سنله گلور بو چولده تشنه لبلرین گمانی
اوزدن وئرور بروزه چون گلور سخا نشانی
قاپوندان ائتمه مأیوس گل بو طفل ناتوانی
که سندن اؤزگه یوخدور بیر معین و یار و یاور
.
.
بیریسینون سنون تک نامدار عموسی اولسون
روا دگل سوسوزدان گل کیمی جمالی سولسون
گوزوم باخوب فراته اشگ حسرتیله دولسون
اوزاقدی غیرتوندن بالله ای عمِ دلاور
.
.
قوناق گلوب تماماً خیمه مه صغیر اوشاقلار
منی عمو بو امره اضطرار ائدوبدی وادار
گلموشم التماسه سندن اؤزگه کیمسنم وار
گئدوب الدن عموجان نوجوان علی اکبر
.
.
سکینه نی نه حاله گور سالوب عطش عموجان
جگرلریم سوسوزدان یانور العطش عموجان
خیمه ده صغیر اطفال ایلیوبله غش عموجان
عطش شدّتیندن قانه دونوب جگرلر
.
.
حسابیدور سؤالیم گور اولور بو سوز قبولین
نهر فرات آخور مهریدور آنام بتولین
مگر بو سودا حقی یوخدی عترت رسولین
نیه فاطمه عیالین منع ائدور بو قوم کافر
.
.
گلشن کربلاده بلبل شکسته بالم
گل کیمی سولوبدی اصغر بو سبب فسرده حالم
یانور دلیم زبانیم نطقدن دوشوبدی لالم
خزان اولوب بهارِ گلشن آل پیمبر
.
.
دویموشام جانه غمدن قالمیوب اورکده طاقت
ئولورم خجلتیمدن منه بسدی بو خجالت
ئولمسم گر ئولونجه منی یاندیرور بو حسرت
بیر جرعه سو قوناقه آخر اولمادی میسّر
.
.
عمو سنون یانوندا بولورم کی چوخ عزیزم
بو عزّتیمله اما سنه بیر کهین عزیزم
قبوله یتمور عرضیم بو سببدن اشگریزم
هامی گوز تیکوب الیوه نقدر کی وار بو اللر
.
.
«حقیریوه»نظر قیل گئجه گوندوز الده خامه
یازار بو ماجرانی یته عمری تا تمامه
اگر بو التفاتون اولا بسدور اول غلامه
دوشمسون الیندن یره خامه ایله دفتر
.
.
#فرات #حقیر_خویی #شب_عاشورا
#تشنه‌دور_آل_حیدر_ای_رشید_عمو_ثواب_ائت
#ترکی
.
#زبدةالاشعار
.
: @nohe_torki