وداع حضرت علی اکبر (ع) با مادر
.
.
مرحوم قمری
.
.
توکمه زلف مشک فامی خط ریحان اوستونه
چکمه ظلمت پرده سین مهر درخشان اوستونه
.
ای آنا من اکبرم قرآن ناطق اوغلیام
زینت اولماز احتیاج آیات قرآن اوستونه
.
تار زلفیله جمال مصطفانی قیلما تار
قوی اوجالسین صوت صلوات عرض سبحان اوستونه
.
آیۀ ظلماتی قیلما غالب آیات نور
ویرمه رونق ظلمتیلن نور یزدان اوستونه
.
قوی اولا سر سورۀ قرآن مذهب قانیلن
قطره قطره قان دوزولسون جَدوَل قان اوستونه
.
ایلمه چرخ ولایت آفتابین مُنکَسف
سالما ابر غم نقابین ماه تابان اوستونه
.
ایلمه افشان جمالینده قرا گیسولری
خط سودا چکمه سون گلبرگ خندان اوستونه
.
گلستان تک گلعذارون قاندان آچسون لاله لر
بارش نیسان غم یاغسون گلستان اوستونه
حُسن مُستَحسَن گورونسون صنع صنع الله ده
قانیلن اولسون زرافشانلین زرافشان اوستونه
.
گل یارا آئینه خنجر شانه پیکان عطر قان
خلعت الوان قزلقان جسم عریان اوستونه
.
باغ بهجت زاغ جنّت ظلّ رحمت کاکلیم
چتر طاووسینی قورسون خاک میدان اوستونه
.
تیغیله مدّ مطلّا تک چکیلسین فرقیمه
زینت اولسون سورۀ توحید فرقان اوستونه
.
کربلاده عید اضحی دور بو عاشورا گونی
منده قربان زینت اولماز اصل قربان او ستونه
.
ان یّکادی شمر یازسون قانیمیله سطر سطر
خنجر برّان دمینده لوح جانان او ستونه
.
گلستان نظم ایچینده «قمری» شیرین کلام
چخسا لایقدور اگر تخت سلیمان اوستونه
.
.
#اکبریه #قمری #اکبریه_شهادت #ترکی #زبدةالاشعار
#زبدةالاشعار 
: @nohe_torki . #سبک_ای_باد_صبا … مشابه . مرحوم ذوقی تبریزی . یازمشدی قضا زهر جفانی سنه قارداش باشلاندی بلاسی باشمون وای منه قارداش . بیشتر
نظر دهید