زبانحال حضرت صغری (س) به حضرت علی اکبر (ع)
سوال و جواب
.
زبانحال و جواب حضرت علی اکبر (ع)
#توکمه_گوز_یاشیوی_مرجان_کیمی_دامانه_باجی
زبانحال حضرت صغری (س)
#گیموسن_رخت_سفر_قامت_رعنایه_علی
.
.
#سبک_یارالی_جان_یارالی … 4 سبک مشابه
پخش‌کننده صوت
علومی تبریزی
.
.
توکمه گوز یاشیوی مرجان کیمی دامانه باجی
سفر اوستونده گتورمه منی افغانه باجی
.
.
دور اوتور بستر غمدن منیله صحبت ایله
آز زمانی سنه مهماندی علی حرمت ایله
گئدورم مجلس جانانه منه زینت ائله
ویر اؤزون زلف پریشانیمه بیر شانه باجی
.
.
بیرده بو ائوده باجی اکبری مشکل گوره سن
تا اؤرکده اولان اؤز عشقیوی سن بیلدوره سن
آیریلوق وقتیدی خوش یمن اولی بیر گولدوره سن
یاخاسان شاد و خرامان لب خندانه باجی
.
.
آغلاما صبر ایله ایّام فراقیمده منیم
خبریم گلسه داخی اولما سراقیمده منیم
قاره گی اگنیوه گئت آغلا اطاقیمده منیم
داخی داماد اطاقین ایله عزا خانه باجی
.
.
هر سحر سمت عراقه نظر ایله باجی جان
دور دعاوی منه وقت سحر ایله باجی جان
حالیوی باد صبادن خبر ایله باجی جان
بودی چون شیوۀ هر عاشق مستانه باجی
.
.
اکبرون سانما باجی رسم وفانی ایتورر
خبر اولسا بو سفرده سنه اکبر یتورر
گلوب آخرده سنی بیر گون عراقه گتورر
منتظر اول داخی بو عهدیله پیمانه باجی
.
.
.
#خروج_مدینه #حضرت_صغری #حضرت_صغری_علومی_تبریزی
#توکمه_گوز_یاشیوی_مرجان_کیمی_دامانه_باجی
#علومی_تبریزی
#ترکی
.
#زبدةالاشعار .
: @nohe_torki
نظر دهید