زبانحال جناب لیلا در شهادت حضرت علی اکبر
.
.
#سبک_آچیلدی_پرچم … 10 سبک
مشابه
.
.
محبوبی (نادم)
.
.
تالاندى صبریم گئدوب گوزیمدن
گل اوزلی نورس جوانیم اكبر
هایاندا قالدى خبر وئرون یوخ
منیم او روح روانیم اكبر
.
.
بلالی قوش تک اوچوب الیمدن
او مرغ روحیم کَنامه گلمز
بولیدیم ایکاش نه وار باشیندا
ندن یوباندی خیامه گلمز
بو درد و غمده تالاندی طاقت
یتیشدی عمریم تمامه گلمز
غم فراقه چتیندی والله
بو تئزلیقا من اینانیم اکبر
.
.
.
نولور که بیرده دوشه گذارون
بو خیمه گاهه علی دوباره
او خط و خاله او گل جماله
دویونجا بیردم قیلام نظاره
نه حاله قالّام اگر بو چولده
منیم مارالیم گله شکاره
بو درد و داغه غم فراقه
دوزیم نه نوعی دایانیم اکبر
.
.
.
او لحظه دن که او مه جمالون
گوزیمدن ای گل نهان اولوبدور
ایشیم دمادم انین و ناله
انیسیم آه و فغان اولوبدور
ئولونجه دوشمز آدون دلیمدن
بیر عمر ورد زبان اولوبدور
غم خیالون اولار همیشه
اورکده فكر نهانیم اکبر
.
.
.
بو دشت غمده غم فراقون
وئروب شبیخون توان و تابه
على دوباره قیت خیامه
ترحّم ایله بو دل کبابه
نه وار باشوندا بو غملی چولده
دوشوبدی قلبیم چوخ اضطرابه
باشا یتیدی کاش انتظاریم
اوزیم باشووا دولانیم اكبر
.
.
.
باتوبدی ماهیم شرار آهیم
بو درد و غمده شهابه بنزر
سولوبدی بُستان هزار دستان
نظرده غمگین غرابه بنزر
یاماندی دردیم بو غملی قلبیم
کؤز اوسته بریان کبابه بنزر
دور ایله چاره بو بی نوایه
اوجالدی عرشه فغانیم اکبر
.
.
.
دوشوبدی لیلا یامان بلایه
نه لر بولن یوخ گلور خیاله
على ازلدن ویرولموشام من
او خط و خاله او مه جماله
بلایه دوشسه بلالی باشون
دوشر بو بی کس آنان نه حاله
یوخومدی سندن علاوه بیر کس
بو چولده یاده سالانیم اکبر
.
.
.
جهان بو زارین بو وسعتیله
گوزینده تاریک اولان قفسدور
دوزنمرم من غم فراقه
بو رنج غربت بو زاره بسدور
غمونده جانیم یتوب دوداقه
بودور گمانیم که سون نفسدور
بو گوندن اوّل بو ماجرایه
مگر گئدردی گمائیم اکبر
.
.
.
کیمیم وار اولسون انیس و مونس
بو غملی یرده بو بینوایه
آلوبدی گور نه غم و مصیبت
ہو مبتلانی بو گون آرایه
اماندی سالما منی نظردن
ترحّم ایله بو مبتلایه
غم فراقون سالوب ایاقدان
گئدوبدى الدن توانیم اکبر
.
.
.
اطاله وئرمه كلامه «نادم»
نقدری یازسون بو غم قوتولماز
جهاندا بی شک بو ماجرا تک
بلالی درد و محن تاپولماز
دوباره گل دئ آنا دلینجه
آنا دلینه چاتان دل اولماز
تالاندى صبریم گئدوب الیمدن
گل اوزلی نورس جوانیم اکبر
.
.
.
#اکبریه #محبوبی_نادم #اکبریه-شهادت #ترکی #زبدةالاشعار
نظر دهید