زبانحال حضرت اباعبدالله الحسین علیه السلام با شمر لعین در هنگام شهادت
.
✍️ زبدة الاشعار ✍️
?: @nohe_torki
.
مرحوم عبدالرحیم شباهنگ (هندی)
.
تیترمه ای شمر قورخما سنده گل کس باشمی
کس بو کسماخلا کسیلمز نسل پاک هاشمی
.
.
تا جهان وار صدر عالمده محمّد آدی وار
من ئولوب گیتسم گینه سجّاده مون سجّادی وار
.
.
من ئولم ئولمز آدیم باقیدی آثاریم منیم
ئولمز آثاریم که ثاراللهیدور ثاریم منیم
کمترین کالای جاندور نقد ایثاریم منیم
من اوزوم ویردیم الیمدن یاریمی یولداشیمی
روشن ایتدیم عالمه تاریخ آل هاشمی
.
.
من نبیّ اکرمون نوّاده والاسیم
فاطمه بنت رسولین گوهر یکتاسیم
هم مصیبت موجیم هم درد و غم دریاسیم
سوز و ساز عشقده بال و پر پروانیم
.
.
مصطفی جدّیمدی صنف انبیانون خیری دور
مرتضی تون سیری بیر انسان کامل سیری دور
باشیمون هر ماجراسی ماجرالر غیری دور
سیندیرا سنگ جفا لب تشنه باشیم کاسه سین
حشره دین ایلر بلند آوازه بو جامین سسین
.
.
عاشق حقّم گرک پرشور اولوب بی باک اولام
سیل اشگ غم کیمی هم بستر خاشاک اولام
دامن صبحم گرک گون گورمه دن صد چاک اولام
نور حق هر حال و هر احوالده ایلر ظهور
باشمی کسسن آخان قانیم یازار اللهُ نور
.
.
موجهای سرکش دریای بی پایان کیمی
هاردا سیل غم گوروب آغوشه چکدیم جان کیمی
ظلم الندن سر بلندم آه مظلومان کیمی
باش اوجالدیر نیزه باشندا باشیم قرآن اوخور
هر مصیبت گلسه (کُلّ مَن عَلِیهآ فآن ) اوخور
.
.
شمع یاندیرسا اگر پروانه نین بال و پرین
ماتمنده اگلشوب باشه سپر خاکسترین
منده چوخ خوش عاقبت بوللم ستمگر خنجرین
قان ایچن خنجر دایانما کس بو باشون دردینی
جوی خون آخسون یوسون دوران عمرون گردینی
.
.
بیر بیله دمده که دوشمز اوز یادیم اوز یادیمه
قورخورام زینب باجیم گلسون منیم فریادیمه
ای شهادت هارداسان تیز گل یتیش امدادمه
حقّی وار زینب آچا باشین توکه گوز یاشنی
خنجر آلتندا گورنمز بیر باجی قارداشنی
.
.
ویر امان یا من گیدیم یا گلسون اکبر یانمه
گلسون اکبر یانمه قانی قاریشسون قانمه
زیر سایمده یاتوب یاتدیقجا یاتسون جانمه
گللر اوسته دوشسه سرو سرفرازین سایه سی
گل طراوتله قالیر آرتار شکوه پایه سی
.
.
#قتلگاه
#حسینیه_شهادت
#تیترمه_ای_شمر_قورخما_سنده_گل_کس_باشمی
#هندی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید