جابر انصاریم ای جدینه نور دو عین #اربعین_کهنمویی

اربعین
..
..
..
..
..
مرحوم کهنمویی
..
..
..
..
..
جابر اول اربعینون کربلا زواریدور
بوبیاناتیم او مرد متقی گفتاریدور
..
..
..
..
شاه بیت
..
جابر انصارییَم ای جدّینه نور دو عین
قبرون اوسته اربعینه گلمیشم من یاحسین
..
..
..
..
..
اوندا که بوکعبۀ آماله اولدوم روبرو
گرد و خاکین ایله دیم گوز یاشیمیله شستشو
جدّیوون عطرین منه ویردی مزار مشکبو
قبرون اوسته اربعینه گلمیشم من یاحسین
..
..
..
..
..
دین یولوندا تشنه لب ئولدوردولر اعداء سنی
باش و جان بذل ایلدون تاپدون مقام ایمنی
قویدی نابینالوقوم بو فیض عظمادن منی
قبرون اوسته اربعینه گلمیشم من یاحسین
..
..
..
..
..
هر عمل دین خرمنینده مؤمنه بیر خوشه دی
دینه قربان اولماق عالمده بیوکراخ توشه دی
من سنه قربان اولوم قبرون نیه ششگوشه دی
قبرون اوسته اربعینه گلمیشم من یاحسین
..
..
..
..
..
دشمنون حق رحمتیندن بی نصیب اولدی سنون
صبرده حیرت زده صبر و شکیب اولدی سنون
قبرون اوسته یوخ گلن قبرون غریب اولدی سنون
قبرون اوسته اربعینه گلمیشم من یاحسین
..
..
..
..
..
خانۀ آباد صبری سیل اشک ایلر خراب
وصل دلداره یتنده دلده قالماز اضطراب
سسلینده دوستی آیا دوستی هیچ ویرمز جواب
قبرون اوسته اربعینه گلمیشم من یاحسین
..
..
..
..
..
هاردا بلبل اختیاریله چمندن آیریلوب
هانسی بیر کس شوق و ذوقیله وطندن آیریلوب
ویرموسن سس حقلی سن باشون بدندن آیریلوب
قبرون اوسته اربعینه گلمیشم من یاحسین
..
..
..
..
..
بو مسلّمدور سنه جدّون ایدردی احترام
گول کیمی بسلردی زهرا سینه سی اوسته مدام
سویدولار اما یارالی پیکرون اشرار شام
قبرون اوسته اربعینه گلمیشم من یاحسین
..
..
..
..
..
بو سوزی جدّون پیمبر بیزلره ویردی خبر
ئولدورَر اوغلوم حسینی امّتیم تشنه جگر
قبرینی ایلر عمارت پاک طینت شیعه لر
قبرون اوسته اربعینه گلمیشم من یاحسین
..
..
..
..
..
اوغلومون بوئولماقندان دین حق اظهار اولار
بیر نچه گون گر چه ظاهرده عزاسی خوار اولار
حشره تک فوج ملائک قبرینه زوّار اولار
قبرون اوسته اربعینه گلمیشم من یاحسین
..
..
..
..
..
سعی ایدر نور دو عینیم هر بلایه توش اولا
قویمیا تا که چراغ دین حق خاموش اولا
وار یری هر بیریانوقلی دل اونا چاووش اولا
قبرون اوسته اربعینه گلمیشم من یاحسین
..
..
..
..
..
جمع ایدر اطرافینه قبرینده پوزقون لشگرین
قبرینون پائین پائینده یاتوردار اکبرین
سینه سی اوسته آلار اوز شیرخواره اصغرین
قبرون اوسته اربعینه گلمیشم من یاحسین
..
..
..
..
..
حقّه باطل غالب اولماز اهل حق گر یانماسا
ذکر اولاندا کربلا هر دل ملاله باتماسا
واردی قلبینده قساوت گوزلرین آغلاتماسا
قبرون اوسته اربعینه گلمیشم من یاحسین
..
..
..
..
..
کهنموئی ایلمه دنیاده فکر مال و جاه
گورموسن فرعونیان سفیانیان اولدی پناه
عاشق حق اول بوسوزلر عشقوه اولسون گواه
قبرون اوسته اربعینه گلمیشم من یاحسین
..
..
..
..
..