جام حسنوندن خمارم دلبریم #مهدیه_هدایت_تبریزی

یا مهدی
.
زبدة الاشعار

?: @nohe_torki
.
هدایتی تبریزی
.
جام حسنوندن خمارم دلبریم
عشق اودوندان پر شرارم دلبریم
.
بیر باخشدا آلمیسان مندن توان
بی قرارم بی قرارم دلبریم
.
قاشلارین تیغی بؤلوبدور قلبیمی
نسخه درمانسزدی یارم دلبریم
.
گوندوزوم سنسیز قرانلیق لیل دور
لشگر غمله حصارم دلبریم
.
گیتمیسن گوزدن ئورکدور منزلین
دردیویله سازگارم دلبریم
.
سرده مین شور آدیوی ذکر ایلورم
حسنوه آئینه دارم دلبریم
.
طاقیتیم یوخدور چخام سیر ایلیم
عشق تیریله شکارم دلبریم
.
پرده نی وور یانه گوستر چهره وی
هجریوه بی اختیارم دلبریم
.
زلفوی وور یانه آچ گل صورتون
بند زلف تابدارم دلبریم
.
عزّتیم سنلندی ، عزّت سنده دی
سنسیز امّا خوار خوارم دلبریم
.
گوزلریم حسرتدی گورسون گل یوزون
گورماقا امّیدوارم دلبریم
.
گل قوتارسین انتظاردان گوزلریم
انتظارم انتظارم دلبریم
.
گل گلن یوللاریوه جانیم فدا
مقدمینده جان نثارم دلبریم
.
تیر مژگانلا هدف قیل جانیمی
دام عشقینده دچارم دلبریم
.
قوی گوزوم اوسته ایاقون اینجیمه
مقدمینده خاکسارم دلبریم
.
حیف اولا دامانیوه چاتمور الیم
نیلیوم یوخ الده چارم دلبریم
.
بیر ایچیم لعل لبیندن ایت عطا
تشنه لعل نگارم دلبریم
.
نازنین دوشدوم ایاقدان ال یئتیر
آز قالیر سوزسون ستارم دلبریم
.
اولسا عالم گر منیم سنسیز نه سود
محنتیله همجوارم دلبریم
.
بیر توجه قیل من دلخستیه
گور نجه نالان و زارم دلبریم
.
گلشنی سولموش هزاره اوخشورام
وردیم اولموش یار یارم دلبریم
.
ای مسیحا دم منه قیلسان نظر
بستر غمدن دورارم دلبریم
.
جان سنین ، عنوان سنین ، قربان سنین
من سنین لطفونله وارم دلبریم
.
سن دیسن ئول اعتراضیم یوخ ئولوم
سن دیسن گر قال قالارم دلبریم
.
گوزلرین قربانیم باخ بیر منه
گور نجه پوزقون عذارم دلبریم
.
باشیمه ال چک اوجالت عرشه منی
لطفوه امّیدوارم دلبریم
.
نسبتیم واردور سنه من سندنم
لطفوه واردور نظارم دلبریم
.
قلبیمی بؤل رؤیت ایله گور نجه
داغدارم داغدارم دلبریم
.
بو (هدایتدن) یاپیش قویما سنا
فکر قیل بن مهزیارم دلبریم
.

#مهدیه
#جام_حسنوندن_خمارم_دلبریم
#هدایت_تبریزی
#ترکی
.
#زبدةالاشعار

?: @nohe_torki