زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
گوگل قوشی بو گیجه کامیاب اولوب یارالی
وصال عالمینه فتح باب اولوب یارالی
.
.
امیدیله گیجه گوندوز یولا باخوردی گوزوم
سرشک حسرتیم آخدوقجا ایسلانوردی یوزوم
بی بیم تسلّی ویروردی بابا یوخیدی دوزوم
منیم غمیمدن اودا دلکباب اولوب یارالی
.
.
صفاسی یوخدی بو پوزقون بنادن اینجیمیشم
گیجه سویوق گونوز ایستی هوادن اینجیمیشم
یوزوم چخوب دردین ابتلادن اینیجمیشم
قوری نفس منه رنج و عذاب اولوب یارالی
.
.
الیم نه یتدی سنه، نه عمو نه قارداشیما
پناه آپارمشدوم بزم غمده گوز یاشیما
وراندا حلقه منیم شام قزلاری باشما
ادیما خارجی آدی خطاب اولوب یارالی
.
.
ئوزونی بلبل ایدر جهد گلشنه یتوره
رقیه اولمادی ممکن ئوزون سنه یتوره
گونوز دعا ائلدیم حق سنی منه یتوره
دعالریم بو گیجه مستجاب اولوب یارالی
.
.
خرابه بزمنی بزم جلاله دوندردون
بو غملی مکتبی قطب کماله دوندردون
شب فراقوی صبح وصاله دوندردون
صباح وصله باشون آفتاب اولوب یارالی
.
.
منه چوخیدی علاقون بیلوردوم عادتیوی
کم ائتموسن ائله فکر ایلدیم عنایتیوی
بی بیم منه دئمه میشدی سنون شهادتیوی
دوشوندم ایندی بیوک انقلاب اولوب یارالی
.
.
دوشوندوم ایندی نیه قاره دور بو پیرهنیم
خرابه یر نیه اولموش بو شهریده وطنیم
باشوون عشقی دوشن باشیمه کول اولدی منیم
دوشوندوم ایندی مدینه خراب اولوب یارالی
.
.
قزون اسیر بلا سن اسیر مهلکه سن
دیدوم ترحم ائدرسن بو عشق مسلکه سن
الونده یوخدی اقلاً باشما ال چکه سن
او باش که توکلرینه توز نقاب اولوب یارالی
.
.
بو مدتی منیم احوالیمی بیلن یوخودی
بی بیمدن ئوزگه بو گوزیاشیمی سیلن یوخودی
چراغسیز ایویمه بیر قوناق گلن یوخودی
سنون بو گلمگون الحق صواب اولوب یارالی
.
.
باشون قرانلوق ائوه گلدی میهمان یئرینه
گوزوم ساتاشدی دوداقونده خیزران یئرینه
سنی من اوخشیارام ایندی نوحه خوان یئرینه
رقیه اوخشاماچی انتخاب اولوب یارالی
.
.
بو قدری بیر باشا دگمز بابا قلج یاراسی
اوپوم نه نوعی سلامت قالوب مگر هاراسی
دولوبدی گرد و غباریله کیپریگون آراسی
بو آق محاسنیوه قان خضاب اولوب یارالی
.
.
بجادی گر یانا پر یانا پروانه لر بوخون جگره
ایشقلی شمع کیمی المشام سنی نظره
یانام بو اتش عشقونده چخمارام سحره
بو گیجه آخر عمریم حساب اولوب یارالی
.
.
گرک ستارۀ عمروم مدار غمده سوزه
مقام عشقیمه نقصاندی من چیخام گونوزه
یوباتمارام سنی، بیر لحظه گل قویاق اوز اوزه
آتا بالا گوره لر مست خواب اولوب یارالی
.
.
طبیب تک منه اول احتضاریده همدم
نفس آلوم باشوی گل تک ایگلیوم هر دم
باشیمون اوسته گلن وقتیده خانم عمّه م
گوره که قطرۀ اشکین گلاب اولوب یارالی
.
.
دوشوبدی طایر جان تنگه قالمیوب نفسیم
بو خسته روحی آپار قالسون عمه مه قفسیم
منی دعا ایله محبسده تز باتا نفسیم
بو زندگی آرامیزدا حجاب اولوب یارالی
.
.
#حضرت_رقیه_شهادت
#گوگل_قوشی_بو_گیجه_کامیاب_اولوب_یارالی
#یادگار_انور
#ترکی
.
✍️ #زبدةالاشعار ✍️
.
🆔: @nohe_torki
نظر دهید