جانا؛گوزون آچ شمع و حرمخانه بیزیمدی #مهدیه_مصیبی_تبریزی

«شمع وحرمخانه بیزیمدی»
.
زبدة الاشعار
.
?: @nohe_torki
.
محمد علی مصیبی تبریزی
.
جانا؛گوزون آچ شمع و حرمخانه بیزیمدی
شمعین دولانان باشینه پروانه بیزیمدی
.
درمان و دوا بیزلریلن نسبتی یوخدی
هر درد اولا درمانیله بیگانه بیزیمدی
.
داشدان دوزه لن کعبه نی اغیاره وئرون سیز
یارین ولی قلبینده کی بتخانه بیزیمدی
.
بیز نیلیروخ آخر طرب و سور بساطین
واردور نه قدر دهریده غمخانه بیزیمدی
.
مخمور می وصل نگاروخ گئجه گوندوز
میخانه ده کی ساغر و پیمانه بیزیمدی
.
عالم بیلوری غیبده بیر یوسفیمیز وار
والله؛ او گوزل جلوه جانانه بیزیمدی
.
یاندوق او مسیحا نفسین فرقت اودوندا
دم وئرمه سه هرحالت دیوانه بیزیمدی
.
حسرت گوزومیزیولدادی گلسون گل زهرا
گلسه گولومز خلعت وشکرانه بیزیمدی
.
گلسه اولاجاق منزل ویرانه میز آباد
گرگلمسه سرمنزل ویرانه بیزیمدی
.
ای بادصبا سال یولیوی گلشن وصله
هجران یئلین اسدیرمه گلستانه،بیزیمدی
.
یارین ره وصلینده دونورقانه بو گوزیاش
هر دیده کی گوزیاشی دونه قانه بیزیمدی
.
بیر خال لبین حسرتینه یاندی ئورکلر
حسرت باخیش اول لعل بَدَخشانه بیزیمدی
.
ای شیعه لرین روح مسیحاسی گل،آخر
سن صاحبِ دم ، سینه یانا یانه بیزیمدی
.
جانلار سنه پروانه دی ای شمع ولایت
هر دل آلیشا فرقت سوزانه بیزیمدی
.
حسرت یئلی گر زلفیوی ایلوبدی پریشان
گل ؛ زلف پریشانه ووران شانه بیزیمدی
.
جان و دلینی نذر وصال ائتدی«مُصَیّب»
هر سوز کی یازار دفترو دیوانه بیزیمدی
.

#مهدیه
#جانا_گوزون_آچ_شمع_و_حرمخانه_بیزیمدی
#مصیبی_تبریزی
#ترکی
.
#زبدةالاشعار
.
?: @nohe_torki