زبدةالاشعار

بیر خمار گوزلو نگار می پرستین مستی ام #مهدیه_هدایت_تبریزی

یا مهدی
.
✍️ زبدة الاشعار ✍️
.
?: @nohe_torki
.
هدایتی تبریزی
.
بیر خمار گوزلو نگار می پرستین مستی ام
بیر نگاه فتنه کار و چشم مستین مستی ام
.
ساقی میخانه استاد ازل دور کی یقین
من بئله بیر نازنین چیره دستین مستی ام
.
اولین جام ایله مست ایلوب منی بیلمم کیمم
عهد و پیمان اوسته یم جام الستین مستی ام
.
بیر باخشدان قلبمه بیر اوخ چوکوب آرام آلیب
قلب دن آرام آلان عالی نشستین مستی ام
.
گوشۀ چشمنده وار بیدل لره جان درمانی
بیدلم ، ناز ایت منه ، گل ناز شستین مستی ام
.
ملک هستی بیر یانا سن بیر یانا ، باشسان گئنه
سنله هستی هست اولوبدور سنده هستین مستی ام
.
سنله گلشندی جهان سنسیز کویر و خارزار
سنله آرامش ویرن بالا و پستین مستی ام
.
طوق عشقین پایبند ائتمیش منی جانا سنه
بسته دور وارلیق سنه اول پای بستین مستی ام
.
یاد ایدنده آدیوی قلبیم دویونمه باشلاییر
دلده طوفان صحنه سینده خیز و جستین مستی ام
.
سرپرستیم سن (هدایتدن) سوروش احوالینی
قوی دیسین کی نازنین بیر سرپرستین مستی ام
.

متن پیشنهادی:  چمنه آخیر بولاقلار #فاطمیه_سیدبشیرحسینی

.
#مهدیه
#بیر_خمار_گوزلو_نگار_می_پرستین_مستی_ام
#هدایت_تبریزی
#ترکی
.
✍️ #زبدةالاشعار ✍️
.
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی