جانلار فدا بو عشق و ایمانه یا اباالفضل #عباسیه_سیفی_اردبیلی

توسل به قمر بنی هاشم (ع)
..
..
..
..
سیفی اردبیلی
..
..
..
..
جانلار فدا بو عشق و ایمانه یا اباالفضل
قول ویردون عزّت آلدون قرآنه یا اباالفضل
..
..
..
..
دنیا گوزی گورنمز سن تک گوزل جوانی
حیرتده خلقی قویسون ایثار جاودانی
قان آغلارام سالاندا یاده بو ماجرانی
قولسوز یارالی دوشدون میدانه یا اباالفضل
..
..
..
..
ای عبد بی بدیل و جانباز حیّ منان
زیبا شعارون اولدی پاینده باد قرآن
بیر گوز ایکی اوزون قول ایتدون حسینه قربان
جانیم فدا سنون تک قربانه یا اباالفضل
..
..
..
..
حیراندی چشم دنیا ایثار و همتوندن
ووردون لوای حقی نهر اوسته غیرتوندن
مشکوندن اوخ دگنده یاندون خجالتوندن
بیلدون سو قسمت اولماز طفلانه یا اباالفضل
..
..
..
..
خجلت تری آخاردی گلدن گوزل یوزوندن
مردانه جنگ ایدردون دونمزدون ئوز سوزوندن
بیر اوخدا سانجلوبدور ظلمیله صاف گوزوندن
گوزدن سوزولدی قانون دامانه یا اباالفضل
..
..
..
..
تحسینه گتدی اهلی جنّاتی خوش مرامون
صالح عباد ایچینده ممتاز اولوب مقامون
السیز سنی گورنده سندی بئلی امامون
مسرور اولوب بو حاله بیگانه یا اباالفضل
..
..
..
..
آلدی دیز اوسته باشون مانند منخسف آی
قان لخته سین گوروبدور شهلا گوزونده لای لای
غم صبرین آلدى الدن مولا بویوردی وای وای
نخجیر تک دوشوبسن بحرانه یا اباالفضل
..
..
..
..
لعنت بو قوم پسته نفرین بو روزگاره
مصحف مثالی جسمون ایلوبله پاره پاره
منشق اولوبدی باشون وار صاق گوزونده یاره
قان کیپریگونده بنذر مرجانه یا اباالفضل
..
..
..
#عباسیه #سیفی_اردبیلی #عباسیه_مدح #عباسیه_شهادت #ترکی #زبدةالاشعار