زبانحال حضرت امام حسن مجتبی علیه السلام
.
✍️ #زبدةالاشعار ✍️
.
🆔: @nohe_torki
.
مرحوم نجمی تبریزی
.
ای آنام بتوله مظهر آچ گوزون اماندی زینب
زهریله دلیم دوداقیم یاندی پارچالاندی زینب
.
اویان ای باشی بلالی
اویان ای اورک یارالی
حَسَنون سرشک آلی
گور نجه رواندی زینب
.
.
آز قالور کسم علاقه باجی عالم فنادن
ایلیم بقایه رحلت قورتولام هر ابتلادن
قارداشیم حسینی ایله باخبر بو ماجرادن
سویله عمریمون بهاری بو گجه خزاندی زینب
.
.
سانما مزرع وفانی خشگ ایدوب بیچر حسینیم
باش ویرر دیمه سوزوندن باجی جان گئچر حسینیم
چوخ گوزتله بو سبودن قویما سو ایچر حسینیم
غفلت ایلمز ایتیرمه اؤز اؤزون اماندی زینب
.
.
بیرده ویر خبر یغیشسون باشیم اوسته آل هاشم
بو دل شب سیه ده اود دوتوب دل خراشیم
محفل مصیبت اولسون آز قالور باجی فراشیم
سندن آیریلان زمانیم چوخ یاخین زماندی زینب
.
.
آچ گوزون باجی اویان دور ایله حالیمه نظاره
گور نجه گوزومدن اشک حسرتیم آخور عذاره
مایلم یتم بو ساعت شوقیله وصال یاره
گوگلوم انتظار الینده پرده پرده قاندی زینب
.
.
بس که چرخ سفله پرور جور و ظلمده چالشدی
قانی قلبیمون گوزومده اشگ حسرته قاریشدی
زهر کین اولوب موثر جسمیم اود دوتوب آلیشدی
دود دل یانان گوگلدن گوگلره دایاندی زینب
.
.
وار یری آنان عزیزی ای گونی قرا بلاکش
واپسین نفسلریمدن دوشسه کائناته آتش
حال قدسیانی پوزسا حالیم ایلسه مشوّش
پاره پاره قلب زاریم ظلم اودیله یاندی زینب
.
.
خواب نازدن اویاندیم تشنه لب اوزوم هراسان
بیر ایچیم باجی سو ایچدیم ائتدی حالیمی پریشان
حشره دین بو بیر ایچیم سو آلدی آبرو سولاردان
خجلتیله تا جهان وار چشمه لر رواندی زینب
.
.
قان دوروب دوداقلاریمدا بس که دلده وار جراحت
بو یارا اولوب موثر قالمیوب گوگولده طاقت
حاضر ایله باجی بیر طشت سرعتیله تا بو ساعت
لخته لخته قاندی آغزیم طاقتیم تالاندی زینب
.
.
جانه دویموشام ئولومدن یوخدی ذرّه جه هراسیم
سویله درک ائده آتاسین قلبیمون قراری قاسم
چوخ یاخنلاشوب دوتولسون عرش کبریاده یاسیم
حالتیمده اؤزگه حالت بو گجه عیاندی زینب
.
.
گر چه وار باجی دلونده یاره اوسته کاری یاره
قاره معجر اوسته قاره وار باشوندا ماه پاره
قارداشون حسن وئرور جان سال باشوا تازه قاره
قاره بخته قاره معجر مایۀ فغاندی زینب
.
.
نچّه ایل که ذیل جسمیم توپراق اوستونه سالوندی
گون به گون قرار و صبریم ترک و تاز اولوب آلوندی
شیشۀ دلیم همیشه سنگ محنته چالوندی
هر مصیبته جهاندا دامنیم بویاندی زینب
.
.
تنگ اولوب اودور که سینم باتموشام غم و ملاله
بو ملال دل سببدور دائم آه اتّصاله
صون نفسده اشگ چشمیم نجم تک آخار جماله
بو ستاریه جمالیم غملو آسماندی زینب
.
.
#حسنیه_نجمی_تبریزی
#حسنیه_شهادت
#ای_آنام_بتوله_مظهر_آچ_گوزون_اماندی_زینب
#ترکی
.
.
✍️ #زبدةالاشعار ✍️
.
🆔: @nohe_torki
.
نظر دهید