زبانحال #حضرت_ام_البنین (س)
.
زبدة الاشعار
.
: @nohe_torki
.
#چاکری
.
جان اوسته ویرن دینینه قیمت بالام ایوای
قوللاری اولان باب شفاعت بالام ایوای
.
.
من گورمه میشم بیله دیور زینب کبری
قوللاروی تندن آیروب ظلمیله اعدا
یاددان چیخادام بو غمی دنیاده من اصلا
تجدید ایدرم روز قیامت بالام ایوای
.
.
عبداللهه باخدوقجا منیم سوز و گدازیم
آرتار دیرم عالم امکان نَیه لازم
مندن خبر آلسا هانی بس بنده نوازیم
نیلیم نه دیوم هانسی حکایت بالام ایوای
.
.
بیله دیور اطفال دوشوب کرب و بلاده
بو قافله ی عشق اولوب غرق وفاده
قرباندی توکولموش دیه سن کوه مناده
ای قالمیان اعضاسی سلامت بالام ایوای
.
.
اوغلانلاریمون دوردونه ده یاننام اوزومدن
اشگیم یری وار حشره کیمی آخسا یوزومدن
دنیا نقدر وار یاناجاقدور بو سوزومدن
اوخ ووردی گوزومدن بو جماعت بالام ایوای
.
.
سن عالم غیرتده اولان شوریدون عبّاس
بیر قامت زیبائیله مشهوریدون عبّاس
سن آل بنی هاشمه بیر نوریدون عبّاس
خاموش ایلدی قوم شقاوت بالام ایوای
.
.
بو غم منی دنیاده کباب ایلر الهی
آتدان دوشه َنه اولماسا ال نیلر الهی
هر یاره گوز آشدیقجا باخوب سویلر الهی
بولدوم ندی بو سرّ شهادت بالام ایوای
.
.
ای گوزلریمون نوری آنان گوزدن آتوبسان
قرآنی دوتوب عالم امکانی ساتوبسان
سقّا سو کنارینده اوزون تشنه یاتوبسان
بیر جان دولوسی کان صداقت بالام ایوای
.
.
جان ویرماقوی کاش اوغول بیرجه گوریدیم
گُل جسموی گونلر قاباقیندان گوتوریدیم
اشگیمله داغیلمیش بدنه غسل وِریدیم
زلفیمله سالوب سایه او ساعت بالام ایوای
.
.
راضیدیم اوغول نچه نفر اوغلوم ئولیدی
گلزار وجودی سارالوب رنگی سولیدی
مین اوغلوم حسین تک اوغولا قربان اولیدی
زهرادن آنان اولدی خجالت بالام ایوای
.
.
مین اوغلوم اولا عالم خلقتده بیر انسان
ویرّم هاموسون تا اوجالا دینیله قرآن
دورت اوغلومی ویردیم بیر علی اکبره قربان
حیف اولمادی بو موئینه قیمت بالام ایوای
.
.
قوللارون اگر سالم اولیدی او بدنده
دنیا قشون اولسیدی دایانمازدی او دمده
مشگه دَگَن اوخ قویمادی طاقت بالا سنده
دشمنلرون ایلردی شماتت بالام ایوای
.
.
یازسان نقدر محنت عبّاسی قوتولماز
عبّاسه بیری آغلاسا دنیاده خوار اولماز
درباره گلن #چاکری شه بوش یولا سالماز
یاز آغلاگلن ایسته زیارت بالام ایوای
.
.
.
#سبک_ای_باد_صبا …7 سبک
پخش‌کننده صوت
.
#جان_اوسته_ویرن_دینینه_قیمت_بالام_ایوای
#ترکی
.
#زبدةالاشعار .
: @nohe_torki
نظر دهید