در رحلت حضرت ختمی مرتبت (ص)
#گریز سوخته شدن درب حضرت فاطمه (س)
.
#زبدةالاشعار
.
: @nohe_torki
.
مرحوم عاصی تبریزی
.
جان وئروبدور غصّه لی طاها بوگون
غملنوب دنیا و مافیها بوگون
.
.
قدسیان شیون سالوبدور گوگلره
باش آچوب آغلار بوگون پیغمبره
ائیلوری ناله حبیب داوره
ساکنان عالم بالا بوگون
.
.
تاجینی باشدان آتوب روح الأمین
بوینی چگیننده ائدر داد و انین
جان وئروب محبوب رب العالمین
عالم محشر اولوب برپا بوگون
.
.
انبیاء و مرسلین باتمیش غمه
آغلوری یکسر رسول اکرمه
روضه خوان نوح و خلیل و آدمه
چرخ چارمده اولوب عیسی بوگون
.
.
اهل بیت پاک ختم مرسلین
اللری قوینوندا زار و دل غمین
باش آچوب بیر یاندا میرمؤمنین
بیر طرفده آغلوری زهرا بوگون
.
.
زینب کبری سالوب باشه قرا
متصل آغلار سیزیلدار مجتبی
بوینی چگننده شهید کربلا
ذکر ائدر هر لحظه واجدّا بوگون
.
.
عارض زینب بوگون گل تک سولوب
خاطر میرهدا غمله دولوب
آغلیوب زهرا ز بس بیتاب اولوب
فوج غم صبرین ائدوب یغما بوگون
.
.
دفن اولونموبدور هله خیرالوراء
ال جفایه آچدیلار اهل جفا
گور نه تیز بو امت اولدی بیوفا
چخدی یاددان حبّ ذی القربی بو گون
.
.
پرده پوش اولدی ایشیق بیر مسئله
سالدیلار فرصت منافقار أله
اولدورلار هم رأی، رأی باطله
قوردولار بیر مجلس شوری بوگون
.
.
رأی آلندی نچه مردود و شقی
وئردیلر ترجیح حقّه ناحقی
قویدولار ائوده امام مطلقی
وردولار حق دینه پشت پا بوگون
.
الده عنوان ائتدی ثانی بیعتی
باشنه جمع ائتدی بیر جمعیتی
ائتدی دق الباب او باب رحمتی
ائتمدی آللهدن پروا بوگون
.
.
گلدی پشت بابدن خیرالنّسا
سسلدی کیمسن دئدی اول بی حیا
دئنه گلسون بیعته میرهدا
امر بیعت تا اولا اجرا بوگون
.
.
سویلدی بیزلر عزالی یاسلیوخ
غصّه لی قلبی یارالی یاسلیوخ
بولموسن باشی قرالی یاسلیوخ
ائیلمه بیجا یره ایذا بوگون
.
.
فاطمه هر قدر ائتدی التجا
ائتمدی ثانی سوزینه اعتنا
یاندی آخر درگه خیرالوراء
عرشه چیخدی بانگ واویلا برگون
.
.
اولدی بوگون باب ظلمه فتح باب
مرتضی بوینوندا گورسندی طناب
باغلانوب دست خدای مستطاب
تاپدی آل اللهَه ال اعدا بوگون
.
.
واقعاً دوشدی بو اودان بیر شرر
کربلا دشتنده یاندی خیمه لر
اهل بیت مصطفایه سربسر
کشف اولوب معنای عاشورا بوگون
.
.
عاصیا اولما ملول و دلفکار
مهرباندور حضرت پروردگار
ایندی بیله دُور ائدور بو روزگار
ال تاپوب اعلایه هر ادنا بوگون
.
.
#پیامبراسلام_عاصی_تبریزی
#پیامبراسلام_شهادت #فاطمیه_شهادت
#جان_وئروبدور_غصه_لی_طاها_بوگون
#ترکی
.
#زبدةالاشعار
.
: @nohe_torki
نظر دهید